Popular Bible Verses from LUCAS 3

Share

Juanax taqi jaqir bautiskän ukapachaxa, Jesusax bautisatarakïnwa; ukatsti Tatitur mayiskipan alaxpachax jist'artäna, Qullan Ajayusti mä palomar uñtataw jupxar qhanpach saraqanïna, ukatsti mä aruw alaxpachat ist'asïna: —Jumaw nayan munat Wawaxätaxa, khitirutix nayax ajlliskta ukaxa —sasa.

ukampis Juanax taqiniruw säna: “Nayax chiqpachan umampiw bautisapxsma, ukampis mayni jutki ukax Qullan Ajayumpi, ninampiw bautisapxätam. Jupax nayat sipan juk'amp ch'amaniwa, nayasti janirakiw askïkti wiskhu t'isnup jararañatakisa.

Sum sarnaqapxam, Tatitur kutikipstanipxatam qhanpach uñacht'ayapxam, ukatsti janirak jumanakkamax sapxamti: ‘¡Nanakax Abrahaman wawanakapäpxtwa!’ sasa; sapxaraksmawa, Diosax aka qalanakatsa Abrahaman wawanakap utjayakispawa.

Quqar saphitpach phat'anukuñatak hachax niy wakicht'atawa. Taqi jan suma achu churir quqax phat'anukutawa, ukatsti ninar phichhantatawa.”

Akasti kunjämatix Isaías profetax qillqawaykatayna ukhamaruw phuqhasiskäna: “Wasaran maynin art'asitapaw ist'asi: ‘Tatitun thakhip wakichapxam; chiqa thakhi jist'arapxam. Taqi p'ujrunakax phuqhantatäniwa, taqi qullunakasa, jisk'a qullunakas pampachatäniwa, link'u link'u thakhinakax chiqachatäniwa, muqu muqu thakhinakas khuskhachatäniwa. Diosax churki uka qhispiyasiñ taqiniw uñjapxani’ ” sasa.