Popular Bible Verses from LUCAS 4

Share

“Tatitun Ajayupaw nayxanki, jan kunaninakar suma yatiyäwinak churañatakiw ajllisitu; llakt'atanakar chuymachiriw khithanitu, katuntatanakar qhispiyasiñ yatiyäwinak yatiyiriw khithanitu, juykhunakar uñatatayiri, t'aqhisiyatanakar qhispiyiri, Tatitun kusiskañ marap yatiyiriw khithanitu.”

Jesusasti supayarux siwa: —Saraqit nayat, supaya; Qillqatan siwa: “Tatit Diosamaruw yupaychäta, jupa saparukiw arkäta” —sasa.

Jesusasti juparux sänwa: —Qillqatan siwa: ‘Janiw jaqix t'ant'a sapampikit jakkani, jan ukasti taqi kuntix Diosax siski uka arunakampiw jakarakini’ —sasa.

Jesusax Qullan Ajayun phuqt'ataw Jordán jawirat kuttanxäna, ukatsti Ajayuw wasarar irpäna.

Jesusasti supayarux sarakïnwa: —Qillqatan sarakiwa: “Janiw Tatit Diosamar yant'ätati” —sasa.

Ukham supayax jan kunjämat Jesusar yant'ar puriyirjamäsaxa, mä juk'a pachatakiw Jesusat jithiqtawayäna.

Ukatsti supayax mä jach'a qullu pataruw irpsüna, ukat mä kutinak taqi akapachan utjkis uka markanak Jesusarux uñacht'ayäna, sarakïnwa: —Nayax taqi akapach markanakan munañanïñapampi, jach'a kankañapamp churäma. Taqi akanaksti nayaw katuqta, khitirutix nayax churañ munkta ukaruw churarakï. Jumatix nayar killt'asisin yupaychitätaxa, taqpachaw jumankxani —sasa. Jesusasti supayarux siwa: —Saraqit nayat, supaya; Qillqatan siwa: “Tatit Diosamaruw yupaychäta, jupa saparukiw arkäta” —sasa.

Ukatsti Jesusarux Jerusalén markaruw irpäna, ukansti templo patar irpsusaw sarakïna: —Diosan Yuqapästaxa, akat aynachar jalaqtam; Qillqatan siwa: ‘Diosax angelanakaparuw jumar uñjir khithanini. Jupanakaw amparapar katuqapxätam, kayum qalar jan usuchjasiñamataki’ sasa. Jesusasti supayarux sarakïnwa: —Qillqatan sarakiwa: “Janiw Tatit Diosamar yant'ätati” —sasa.