Popular Bible Verses from Pigólí 1

Share

Náa pəŋi, Táán alɛ́ɛ́ koboyɛ́ʼkɛn toɛn ná Uŋun wó Ufúlúʼtú úbuyíimin. Polɛ́ɛ́ kɛʼtɛ́lɛmɛn mbaasɔ́ áanɛ a Yolósalɛm, na a əʼkúu a Siudə́ə əngim, na a Səməlíi kɛ́, súʼtə́ə́ a əʼkid yɛ́ nsí əngim.»

Əyíbuyúlísíni ɔnɔ́ na pɔ́lɛ́: «Kɛ́dɛɔ́gɔ lɛ́ pəŋi pólɛŋ naanɛ́g áa pɛbán pɛ́ɛb pɛ́agaáyɛ́ɛlɛ, ɔmbɔ́ lɛ́ a wɔɔ́s igə, lɛ́ Paabá yiídə́nígi pɛ́lɛ́ a toɛn tuə́ŋ tó nyɔ́lɛ́nyɔ́əsíŋ.

Wɔɔ́s wúmmú wó páyɛ́ɛ agonɛ́ɛnɛ, yiísə́ə́ ɔnɔ́ na pɔ́lɛ́: «Údə́ən pólɔb áanɛ a Yolósalɛm. Póŋáan nkə kɛ́ Mbáa ayɛ́bogágɛn, mɛɛ́nyɔ́amɔɛ́d tɛn mbáabodɛ́anɛ kɛ́lɛ́ na unuʼ waam, nyɔʼkɔ́: Na məní má məní aa Sɛ́aŋ ayɛ́ɛ agosɔgɛna pɔɔd. Náa, a mədúg má mə́ndəgimií, na Uŋun wó Ufúlúʼtú aa Táán alɛ́ɛ́ koboósɔgɛnɛɛ́.»

A ngim ɛ kugu kuə́ŋ, ná ayɛ́ɛ əə́ʼkiim álon a kəəniʼ, na pɔ́lɛ́ aa ayɛ́ɛ́n ogoóloodi pɛnɛŋ wɔnɔ́ pɛnɛŋ, a mədúg əʼtin ábaan má ayɛ́ɛ́lɛ, agɛɛlɛ lɛ́ pálɛŋ fɔ́lɔ́b fɔ́lɔ́b lɛ́ nyɔ́lɛ́ alɛ ongóm, aábodɛ́ananɛ pɛbán pɛ́ a Nɛlaamɛʼ nɛ́ Táán.

Ná ayɛ́ɛ aáʼkoman kosɔyɔ náan, əə́bə́ə́ kobag a mɔɛn a əngis á paaʼkan pə́ə́ŋ, páamodɛ́ʼtɛg, aábod amɛ́ɛn ənímin a kɛbɛd a kaadɛ.

Pə́ʼkudíin anɛ́ɛ́n pə́yəlim kɔ agodɛ́ʼtɛg wɔnɔ́ ná Yə́sus aáʼkobágɛ́ɛ́ a mɔɛn, nto ɛ pɔɔd ɛ́baan foáy, yaáʼkodɛ́lɛm a ɛbá yɔ́ɔ́bɔn na pilə́ə́ pifúlúʼtú. Náa pɔɔd póob pɔ́nɔ́ na pɔ́lɛ́: «Pəŋi, pibíəniʼ pɛ́ Kalilə́ə, nkə aa puə́ʼkudíinií púyəlim áay agodɛ́ʼtɛg mbálámɔɛn ə́? Yə́sus nyóon nyɔ́ aáʼkobágɛ́ɛ́ a mɔɛn náan, alɛ́ɛ́ kimbuúlini tɛn əgín náan wɔnɔ́ ná pomámoodála aábag.»