Popular Bible Verses from Pigólí 2

Share

Píɛ əyíbuyúlísíni ɔnɔ́ na pɔ́lɛ́: «Pógasɛ ɔlaa wááŋan, ɛ́nɛ́ mɔɔd ə́siəd ɔsɔgɛn a niiŋ nɛ́ Yə́sus Kilíʼtus ná Táán ə́buúlisin mabɛ́ mááŋan, áaboyɛ́ʼkɛn Uŋun wó Ufúlúʼtú.

Pəə́liʼtiniʼ piim pə́yə́yíísin a nkə kɛ́ pɔɔ́n pá maʼtom páyɛ́ɛ agaaʼkananɛ. Páyɛ́ɛ alaa a nnyɔ́ŋánán wɔnɔ́ pɔɔ́n pá niŋŋí, páanɛ́ɛnɛ ondáŋ, pɔ́ɔgɔɔ́sɔ́gɔlɔn Táán ondáŋ.

Uŋun wó Ufúlúʼtú úyíbuyə́ə́g pɔ́lɛ́ piim a ntɛ́m síɛ́ɛ́d, pə́ə́bə́ə́ kosɔyɔ əʼkíí yə́mmú. Na wɛ ogo, wɔnɔ́ ná Uŋun wóow ómágoyɛ́ʼkɛn lɛ́ ɔ́sɔyɔ.

Pálɛ anɛ́ɛ́n kɔ ɔ, pááság koob yoom ɛgo yə́əgiim ísuu a mɔɛn na nɛŋo a unuʼ wɔnɔ́ kigud, piŋ piŋ piŋ. Yoom ɛgo yɛ́ɛy yááság kuyə́əg kɔ a yoog yɛ́ páyɛ́ɛ a yɛ́lɛ́ síɛ́ɛ́d. Pɛ́ɛ́dála yə́əgiim ísuu wɔnɔ́ noloo nó yug, nómásááláá, noáság koboláʼtɛman pɔ́lɛ́ piim. Uŋun wó Ufúlúʼtú úyíbuyə́ə́g pɔ́lɛ́ piim a ntɛ́m síɛ́ɛ́d, pə́ə́bə́ə́ kosɔyɔ əʼkíí yə́mmú. Na wɛ ogo, wɔnɔ́ ná Uŋun wóow ómágoyɛ́ʼkɛn lɛ́ ɔ́sɔyɔ.

Pádɛʼkɛ́ɛ əsug kɛɛn ɔgɔɔ́sɔ́gɔlɔn Táán mɔɔ́s miim a Tɛ́mpɛl , unuʼ wɔ́ɔ́bɔn úmmuʼ. Páyɛ́ɛ panɛ́ɛnɛ a toádɛʼ toɔ́bɔn ondáŋ, na tɔnyɔ́g pɔ́lɛ́ piim. Nyummú ayɛ́ɛ ədiə́gídə́níí a igog. Páyɛ́ɛ agonyáadɛ Táán, ungim ayɛ́ɛ na tɔnyɔ́g na pɔ́lɛ́. Náan tɛn aa mɔɔ́s miim, Sə́dúk ayɛ́ɛ agɛɛlɛ lɛ́ ondáŋ wɔ́ɔ́bɔn óyam, pɔɔd pá pawa pá ɔmɔ́ɔ́yɛ páagaásáʼtanɛ.

«Táán ɔnɔ́: “Táá nkə kɛ́ ndɛ́ɛ́ kɛɛlɛɛ́ a mədúg má a nɛman aa kɛ́ɛnɛ. Ndɛ́ɛ́ kusuginin pɔɔd piim a nsí Uŋun wáam. Pɔɔ́n pááŋan pá panɔ́mɛɛd na pá pagɛ́ɛd pálɛ́ɛ́ kɛɛn palɔɛgɛʼ pɛbán páam. Ndɛ́ɛ́ kosɔyɔ a pɛlɛm na pɔɔ́n pááŋan pá páʼkogónɛ́ɛ́. Ndɛ́ɛ́ kosɔyɔ tɛn náan na pá pə́ʼkulunií.

Ungim nyɔ́ ayɛ́ɛ aándɛ ungəə́liʼtiniʼ, ayɛ́ɛ unuʼ úmmuʼ na pɔsɔ́g. Nyɔ́ ogódíí yoom, ɛ́lɛ a mɔɔd ungim. Páyɛ́ɛ pɛɛlanɛ lɛ́ wɛ nyɔ́ olɛɛ́ na kɛsom kɛ́ nsí, ɔmbɔ́ nkə kiim kɛ́ ugódíí, waalɛg. Mɔɔnɛ́ má wɔɔ́gɔɔŋ kɔ, wíim na mɔ́lɛ́ agɛɛlɛ lɛ́ páaban ungim, na wɛ ogo páagoyɛ́ʼkɛn nkə kɛ́ kɛásɛʼtan na wɛ agɛɛlɛ lɛ́ wɔ́ɔŋ nkə kɛ́ kɛ́mágosógɛn.

Áay anɛ́ɛ́n, ungim nyɔ́ alɛ́ɛ́ kodɔ́ŋɔnɛɛ́ Sə́dúk, alɛ́ɛ́ kɔɔy”

Wɔɔ́s ólɛ́ɛ́ kəə́súʼkin wɔnɔ́ mbin. Wəə́ ólɛ́ɛ́ kowɛ́ɛ wɔnɔ́ maŋɔ́. Pɛbán pɛ́ɛb piim pɛ́lɛ́ɛ́ kaáyɛ́ɛlɛ ná wɔɔ́s ó Sə́dúk kiim údínjíig. Wɔɔ́s wó oʼkóʼkóón! Wɔɔ́s ó nugəm!