Popular Bible Verses from Pigólí 3

Share

Ə́súʼkíən anɛ́ɛ́n, púliogi ongoo a mabɛ́, púimbuúlini ná Táán alɛɛ́ agɛɛlɛ lɛ́ ə́buúlisin mabɛ́ mááŋan.

Náa, Píɛ yiísə́ə́ ɔnɔ́ na nyɔ́lɛ́: «Mɛ ntɛɔ́gɔ na kóol, ntiɛn na mɔɔnɛ́. Kɛbán kímuʼ, nkə kɛ́ nkódíí, ndagoyɛ́ʼkɛn kɛ́lɛ́. Taa: A niiŋ nɛ́ Yə́sus Kilíʼtus mɔɔ́n ó Násalɛd, tɛ́ɛ́mɛn, ódáŋana!»

Píɛ aáság kumuúgumin a ombɔg ó nɛnom, əmə́mudə́ə́míni. Ambaan á kɛgɔd yándɛ tə́ŋ, annasáŋ, na tulə́ŋ tuə́ŋ kɛ́. Aáság kucilib, aádɛ́lɛm kidə́níʼtən, əə́bə́ə́ kodáŋana. Yɛɛ́sɔ́d a Tɛ́mpɛl ondáŋ na pa Píɛ, aádáŋana, oósiodo, aányáadɛ Táán.

Mɔɔd nyóonɛ nyɔ́ polɛɛ́ agodɛ́ʼtɛg, nyóonɛ nyɔ́ poálɛ́ŋ kɔŋɛʼ kɔŋɛʼ, a toɛn tó a niiŋ nɛ́ Yə́sus, niiŋ nɛ́ tɛágɛ́nɛ́ɛ́ oʼto a nɛ́lɛ́ aa amóóm náan wɔnɔ́ ná aáʼkoómɛ́ɛ́ a əngis yááŋan á pəŋi piim.