Popular Bible Verses from LÓʼKAS 16

Share

«Nyɔ́ pálɛɛ́ kaágɛ́ɛ́ oʼto na nyɔ́lɛ́ a pɛbán pɛ́ piliʼti, pálɛ́ɛ́ tɛn kaag oʼto na nyɔ́lɛ́ a pɛ́ pɛgóón. Nyɔ́ alɛ́ɛ́ kɛɛnɛɛ́ tɛn na kɛcoo a pɛbán pɛ́ piliʼti, alɛ́ɛ́ kɛɛn tɛn na kɛ́lɛ́ a pɛ́ pɛgóón.

«Mɔɔd o pigólí ɔmbɔ́ úmmuʼ ɔdɛɔ́gɔ ugugudin pəsə́dúg pábaan. Əgín lɛ́ aabɛnɛn úmmuʼ, áanyɔ́ŋɛn nyummú, ɔmbɔ́ lɛ́ aagoóbɛn úmmuʼ áasɛ́ɛdɛ nyummú. Podɛɔ́gɔ págɛɛlɛ lɛ́, wɛ ogo úmmuʼ wəə́gudin Táán, wəə́gudin tɛn mɔɔnɛ́, ndóo.»

Nga kɛ́lɛ lɛ́ pádɛʼkáagaag oʼto na pəŋi a tugúm tó kɛcoo, pádɛndɛ́ɛ́ tɛn kaag oʼto na pəŋi a tó fɔ́lɔ́b. Nga pádɛʼkáagaag oʼto na pəŋi a tugúm tó tódɛɔ́gɔ toáŋan, ánɛ aa aáboyɛ́ʼkɛn tó tólɛɛ́ toáŋan ə́?

Náa Ábɛlaam ɔnɔ́: “Pádɛóbɛn pɛcɛm pɛ́ Moyíis na nkə kɛ́ palɔɛgɛʼ pɛbán pá Táán píídílə, ɔmbɔ́ mɔɔd yoóndɛg a pɛlóŋ, pə́diə́gəə́liʼtini”.»

«Mɔɔd ungim nyɔ́ aáŋɛŋ oʼkán lɛ́ kodɔn koáman, əməʼkusiəd wɛndɛ́ŋ, alɛ uʼtə́ŋə́ə́n a kɛdaŋ. Nyɔ́ əə́siəd tɛn ɔʼkɛ́ɛd nyɔ́ onom əmíim ámooŋɛŋ, nyóon alɛ uʼtə́ŋə́ə́n tɛn a kɛdaŋ.»