Popular Bible Verses from Luk 6

Share

Timiya pini, ka Naawuni ti yi gba; ka yi ni yɛn deei shɛli maa ni pali yi nuhi hal ti puuri bahira; dama yi ni zahindi binyara shɛm tiri yi taba, lala ka Naawuni ni ti zahim ti yi gba.”

Ninvuɣ’ suŋ ŋun suhu pali bin’ suma yihirila bin’ suma o suhu maa ni na, ka ninvuɣ’ biɛɣu ŋun mi suhu palli bin’ biɛri yihirila bin’ biɛri o suhu maa ni na, dama din be sal’ suhu ni, dina n-yir’ o nol’ ni na.”

Amaa yinim’ yumiya yi dimnima, ka tummiya ba tuun’ suma, ka bɛn bɔri ni bɛ paŋ yi bina, yin’ paŋmiya ba, ka di tɛhiriya ni yi ni ti lan dee’ li bɛ sani yaha. Ka yi laara ti galisi, ka yi niŋ Zallakudura Naa bihi, dama ŋuna n-kul niŋdi gutulinim’ mini zunyuŋnim’ gba nirilim.

Dinzuɣu zomiya nambɔɣu kaman yi Ba Naawuni ni zɔri nambɔɣu shɛm.”

Yisa daa lan yɛli ba, “Di karitiya tab’ saria, ka Naawuni ti ku kari yi gba saria; di zaŋdiya tab’ taali, ka Naawuni ti ku zaŋ yi gba taali; chɛliya yi tab’ taali paŋmi ba, ka Naawuni ti chɛ m-paŋ yi gba.

Yisa daa lan yɛli ba, “N yɛrila yinim’ bɛn wumdi n yɛligu ŋɔ, yumiya yi dimnima, ka niŋmiya bɛn jɛn ya la zaɣ’ viɛlli. Suhimiya alibarika tim’ bɛn yɛri ya zilima; ka suhimiya Naawuni tim’ bɛn turi ya la.

Ka yi ni bɔri ni niriba niŋdi ya shɛm, yi gba niŋmiya ba lala.”

So yi lab’ a tapaɣa, nyin’ lɛbigim’ din’ la gba pah’ o; ka so yi fa a binyɛrigu, nyin’ di mɔŋ o a chinchini gba. Ŋunkam suh’ a, nyin’ tim o; ka ŋun kpuɣ’ a nɛma, nyin’ di lan bɔh’ o di yɛla.

Yisa daa lan yɛli ba, “Ti’ suŋ ku wali wal’ biɛri, ka ti’ biɛɣu mi ku wali wal’ suma.

Bɛ baŋdi tia kam la di wala ni; dama nir’ na ʒi m-pɔhi fiig tia wala goo zuɣu, ka so mi na ʒi m-pɔhi gaya pirinkpaŋ zuɣu.