Popular Bible Verses from Luk 8

Share

Ka din daa lu vuhim shee la, din’ ŋmanila bɛn wum Naawuni yɛligu maa ka gbib’ li kirikiri bɛ suhuri ni ni yɛlimaŋli, ka di dɔɣira n-niŋdi biɛlim pam bɛ suɣilo dibu puuni la.”

Ka din daa lu gɔhi ni la mi ŋmanila bɛn wum Naawuni yɛligu, ka ŋmaligi chaŋ ha ka dunia ŋɔ yɛliniŋda mini azichi yubo ni kɔre balibu kam chɛ ka di bi dɔɣi niŋ biɛlim.

Ka din daa lu tɛriŋ zuɣu la ŋmanila bɛn wum Naawuni yɛligu ka dee’ li ni suhupiɛlli, amaa ka di bi ba jila bɛ suhuri ni viɛnyɛliŋga. Lala niriba niŋdila yɛda daba ayi, ka zahimbu yi ti paai ba, bɛ zaŋdi li mi bahi.

Ka o bɔhi ba, “Ka yi yɛda niŋbu maa lee bela ya?” Ka di niŋ ba alahiziba pam, ka dabiɛm kpe ba ka bɛ bɔhiri taba, “Bɔtaa nira n-lee bɔŋɔ hal ka sanʒiɛɣu mini kɔgbana ti wumd’ o noli?”

Din daa lu sol’ zuɣu la ŋmanila bɛn wum Naawuni yɛligu maa, ka Sintani kana nti yihi li bɛ suhuri ni ka bɛ ku niŋ li yɛda n-tiligi.

Ka binshɛɣu kani din sɔɣiri ka ti ku yi zahira, ka binshɛɣu mi kani m-be ashilɔni ka bɛ ku baŋ di yɛla ka di yi palo.

Paɣ’ maa ni daa baŋ ni Yisa baŋya ni ŋuna n-shih’ o maa ka o ni sɔhira, ka o chaŋ ti gbani Yisa tooni salo maa zaa ninni, n-kahigi wuhi daliri din chɛ ka o shih’ o ka dii nya alaafee maa. Ka Yisa yɛl’ o, “M bia, a yɛda niŋbu n-chɛ ka a kpaŋ. Kulimi ni suhudoo.”

Ka bɛ daa neeg’ o yɛl’ o, “Ti Duuma, ti Duuma, kom yɛn di ti!” Ka o neei n-tahi sanʒiɛɣu maa mini kɔgbana maa zuɣu, ka di zaa dii fo baalim.