Popular Bible Verses from Luk 9

Share

Ka Yisa daa yɛli bɛ zaa, “Ŋunkam bɔri ni o doli ma, ŋun zaɣisim’ omaŋa ka kpuɣ’ o dapulli buɣi doli ma dabisili kam.

Dama ŋunkam tiligir’ o nyɛvili ni ti kɔŋ li, ka ŋunkam mi kɔŋ’ o nyɛvili n zuɣu ni ti lan nya li.”

Ka Yisa yɛl’ o, “Di bi simdi ka nir’ chaŋchaŋ ti lan ŋmaligi gbamda. Ŋunkam niŋdi lala bi simdi Naawuni nam ni kpɛbu.”

Ka o daa bɔhi ba, “Sal’ yi lee nya dunia ŋɔ binshɛɣukam zaa ka ti kɔŋ o nyɛvili, nyɔ’ bɔ ka o lee di?

Dinzuɣu ŋunkam zɔri vi m mini n yɛligu zuɣu, Daadam Bia yi ti labina ni o jilima ni o Ba Naawuni mini malaika kasinim’ jilima, o gba ni ti zo vi dilana zuɣu.

Ka Yisa yɛl’ o, “Ŋɔri malila voya, ka noonsi mi mali tɛri, amaa Daadam Bia ka luɣ’ shɛli din ni zaŋ o zuɣu n-sɔŋ gba.”

ka yɛli ba, “Ŋunkam deeri bibil’ ŋɔ tatabo n yuli zuɣu deerila mani, ka ŋunkam mi deeri ma deerila ŋun tim ma na; dama ŋun pɔri yi zaa ha ni, dilana n-nyɛ wɔɣirili yi ni.”