Popular Bible Verses from Genesis 32

Share

Jini winic tsi' yʌlʌ: Ma'anix mi caj a chʌn pejcʌntel ti Jacob. Mi caj a pejcʌntel ti Israel*, come tsa' cha'le wersa. Tsa' mʌjli a cha'an ti' tojlel Dios, yic'ot ti' tojlel winicob, che'en.

Jini winic tsi' yʌlʌ: La'ix majlicon, come woli' sʌc'an pañimil, che'en. Jacob tsi' yʌlʌ: Ma'anic mi caj j cʌyet jinto ma' wʌq'ueñon i yutslel a t'an, che'en.

Jacob tsa' cʌle ti' bajñelil. Juntiquil winic tsa' tili i taj. Tsi' ñolch'iyob i bʌ c'ʌlʌl tsa' sʌc'a pañimil.

Jacob tsi' yotsʌbe i c'aba jini ajñibʌl Peniel, “I wut Dios”. Come tsi' yʌlʌ: Tsaj q'uelbe i wut Dios. Dios tsi' coltayon. Ma'anic tsi' tsʌnsayon, che'en.

Che' bʌ tsi' ña'ta jini winic ma'anic woli' mʌjlel i cha'an, tsi' tʌlbe i jol i ya' Jacob. Tsa' p'ijti i jol i ya' che' bʌ tsi' ñolch'iyob i bʌ.

Jini winic tsi' yʌlʌ: ¿Chuqui a c'aba'? che'en. Tsi' yʌlʌ: Jacobon, che'en.

Jacob tsi' c'ajtibe: Awocolic subeñon a c'aba', che'en. Tsi' yʌlʌ: ¿Chucoch wola' c'ajtibeñon j c'aba'? che'en. Tsi' yʌq'ue i yutslel i t'an ya'i.

Anquese mach uts'atonic ti a tojlel cha'an mic taj pejtel i yutslel yic'ot i xuc'tilel a pusic'al tsa' bʌ a pʌsbeyon, pero a winicon. Che' bʌ tsa' c'axiyon ti ili Jordán ja' cojach an c cha'an ili te'. Wʌle cha'mojton lojon cha'an tsa' wen p'ojlesayon lojon.

Jini cha'an i yalobilob Israel ma'anic mi' c'uxob i chijil i ya' i yʌlac' am bʌ ti' jol i ya' c'ʌlʌl wʌle, come Dios tsi' tʌlbe i chijil i jol i ya' Jacob.

Jacob tsi' cha'le oración: Dios, i Dioset bʌ c tat Abraham. I Dioset c tat Isaac. C Yumet. Jatet tsa' subeyon: “Sujten ti a lumal ba'an a pi'ʌlob. Mi caj cʌq'ueñet a wenlel”. Che' tsa' subeyon.

Loc'sañon ti' c'ʌb cʌscun Esaú, come mic bʌc'ñan ame tilic i jats'on lojon yic'ot i ña'ob calobilob yic'ot alp'eñelob.