Popular Bible Verses from Genesis 35

Share

Dios tsi' sube: Joñon Dioson Mach bʌ Anic i P'isol c P'ʌtʌlel. La' p'ojlic a walobilob, la' wen ñuc'aquet. Mi caj i tilel ti jatet junmojt winicob x'ixicob. Mi caj i p'ojlelob ti mojt ti mojt. Mi caj i tejchelob reyob tilemo' bʌ ti a p'olbal. Mi caj cʌq'ueñet jini lum tsa' bʌ cʌq'ue Abraham yic'ot Isaac. Mi caj cʌq'ueñob a p'olbal ja'el mu' bʌ caj i tilelob, che'en.

La' lac tech xʌmbal. La' letsiconla ti Betel. Ya'i mi caj c melben i pulʌntib i majtan Dios, jini Dios tsa' bʌ i jac'beyon ti jini q'uin che' bʌ tsa cubi wocol. Tsi' pi'leyon majlel ti bij ba' tsajñiyon, che'en.

Dios tsi' sube: A c'aba' Jacob. Ma'anix mi caj a pejcʌntel ti Jacob. Mi caj a pejcʌntel ti Israel, che'en. Che'i tsi' yotsʌbe i c'aba' Israel.

Jacob tsi' sube jini año' bʌ ti' yotot yic'ot pejtelel año' bʌ ti' wenta: Chocoxla jini dioste' tac am bʌ la' cha'an. Sʌq'uesan la' bʌ. Q'uextan la' pislel.

Dios tsi' sube Jacob: La'. Yom letsiquet majlel ya' ti Betel. Jalijen ya'i. Melben i pulʌntib i majtan Dios tsa' bʌ i pʌsʌ i bʌ ba' añet che' bʌ tsa' puts'iyet majlel ti' tojlel Esaú a wʌscun, che'en.

Che' bʌ woli' loq'uel i ch'ujlel, come tsa' chʌmi Raquel, tsi' yotsʌbe i c'aba' alʌ ch'iton Benoni, “Calobil tsa' bʌ i yila pañimil che' ti' yorajlel c wocol”. I tat tsi' yotsʌbe i c'aba' Benjamín, “Calobil mu' bʌ i yʌq'ueñonla lac wenlel”.