Popular Bible Verses from Luuka 17

Share

Yeesso la wihi us etaas iyidah, “Kah iro, kakhuufnaanki at ikakhuufte a kiribee.”

Chirri us orrahtoo goyaka laka kol teeba uskeel kiyeele, kolal teebaccho ba la uskeelaas kisoocheekte, ‘Uskeeleey a kasoonokhda, iileeraahin,’ kiyidah, uskeelaas ikakut.”

Kichokoo chuꞌus saggi us isamaate arge ka, usuhi hooyi buure ka Waakh saaꞌdo soonokhte. Yeesso hagga ka jilbo il kaguꞌdde kalaꞌd ilaabe. Eta la ili Saamariya kayimiy.

Taba giꞌde isyaakhicha! “Chirri walaalaah uskeeloo kajiro, leejaakh. Chirri us uskeel kasoonokhte la ikakut.

Yeesso wihi us worsate, “ꞌDooꞌdi kootte an samaache et tomon menya? Et saagaassi addan meete?

Wihi us ilaabe, “Chiꞌ kakhuufnaanki atin Waakh kakhuuftaan rucchuleel ka geeddi ilinti geeyi dahar yahe, a geeddi atin geeya inta katoollo, ‘Hiiyyay khabtaayi inta kabukkhe beyti buure goya kasoobah,’ itadeehiine, geey la wihi atin itidaaheen yeelo.”

Eti tuummane jirotiis khucchin ꞌdoono, jirotiisti rummaat a waaya, eti tuummane jirotiis waayo la jirotiisti rummaat a riba.

Yeesso wihi us abattitiis iyidah, “Wahanyeyyohi enenyet uskeel kalugꞌdo a yamiitiine, iꞌdaasenyi eti icho leeyamiitiin sinati sugto eenna a buure! Wihi deefo a usuhi daddaabti buurenye gurnaan lakatumo lukhum lakahido beyti buure goya lakalugꞌdo usuhi ꞌdooꞌdaar tarraantarricho ka.

“Iꞌdi goorat ibeenne Noowa eheet, iche ibeenki Ínam Aadam yamiit laka yateeh. Maantaas la ꞌdooꞌd saggi orrankateet on sukuuku igele, minan laka laaddiste ichoowka Noowa koobanhi buure goya gele. Chirraas on ꞌduley ichohi addan tuumman baabiiche.