Popular Bible Verses from Génesis 25

Share

Tzajtzun ttzaq'we'n Qman te kyja': Kab'e nasyon ate' tuj talb'ila; kab'e tnam k'elel kypa'n kyib' jun ti'j juntl ax tuj talb'ila na'nx kyul itz'j. Jun tnam k'okel mas tipun twitz juntl, ex aju tzikb'aj k'okel te tmajen tz'inb'aj.

Xi tma'n Esaú te Jacob kyja': —Chin kub'sale twitza, q'ontza nchi'ye ti'j ju in ttzq'ajsa'na, aju kyaqnin ke'yin, tu'nju ch'ix nkyime tu'n we'yaj, chi Esaú. Tu'ntzun jlu, Edom tb'i Esaú ok.

O kub'san Isaac twitz Qman ti'j t-xu'jil tu'nju mib'antoq alin. O tb'i Qman aju tna'j Dios, ex ok ten tal Rebeca.

Xitzun tma'n Esaú te kyja': —Ch'ix nkyime ex ¿ti til weye aju woklene te tnejel k'wa'lb'aj? Chi Esaú. Xi tma'n Jacob te: —Q'mantza ja'lo jun tyola axix tok twitz Dios. Xitzun tma'n Esaú jun tyol axix tok te Jacob, ex xi tk'ayin toklen te tnejel k'wa'lb'aj.

Ul naj itz'j titz'in, tzyu'n t-xe t-su'ẍ Esaú tu'n tq'ab', ex Jacob tb'i ok q'o'n. Otoq japun Isaac twi' 60 ab'q'i tej kyul itz'j tal Rebeca.

O k'ujlanjtz Esaú tu'n Isaac tu'nju in chyo'ntoq Isaac ti'j chib'j in kub' tub'antoq Esaú tuj kojb'il; atzunte Rebeca o k'ujlanjtz Jacob tu'n.