Popular Bible Verses from Maliko 6

Share

Ʉnsɨkɨ ʉgwa avaanu vongosu valɨkwitsa nʉ kʉhega, pwʉ ʉYɨɨsʉ na vakongi va mwene gʉkajaga nagʉ nsɨkɨ ʉgwa kʉlya ɨkyakʉlya. Akavavʉʉla akata, “Tʉvʉʉke twɨ veene apoonu pavʉtiitu, tʉkagatalʉke padebe.”

ɄYɨɨsʉ akavavʉʉla akata, “Ʉnyamalago ikwɨmɨkiwa ʉkʉveetsaga, kwene nikwɨmɨkiwa kʉ vʉtsenge wa kʉ myave, kʉ valʉkololwe na vaanu va mu nyumba jya mwene.”

ɄYɨɨsʉ na vakongi va mwene wʉ vasiike kʉ lʉkanzimbale lwa nyanza, vakiika mu waato. ɄYɨɨsʉ akakɨvona ɨkɨpʉga ɨkɨvaha kya vaanu kikʉmpʉlɨkɨla, akavakolela ɨkɨsa, ʉlwakʉva vaale ndi ngʼolo itsivʉla inʼdɨɨmi. Pwʉ akatengʉla ʉkʉvamanyiisa ikulongwi nyongosu.

Wʉ aweene navikʉmwɨdɨka, naavombe isidego isiveetsaga ʉkwa kʉ Nazaleti, peene akavavɨɨkɨla isivoko avatamu vaninie, akavaponia. Aadegile siitso ʉpwʉ navaamwɨdɨke ʉmwene. Pwʉ ʉYɨɨsʉ akahega, alɨkʉtsʉngʉʉla mu matsumbe nʉ kʉmanyiisa avaanu.

ɄYɨɨsʉ akatoola ɨmikate gɨhaano gɨlya ni somba itso ivɨlɨ, akalola kʉkyanya, akasaana kwa Ngʉlʉve, akamenyulania, alɨkʉvapa avakongi va mwene vavagavɨlage avaanu. Wʉ akagaha vʉle vʉle kʉ somba ivɨlɨ, tsilɨkʉgavɨlwa kʉ vooni. Avaanu vooni vakalya, vakiiguta. Avakongi vakalʉndamania amasigalɨlo ga mikate ni somba, vakadɨtsa isitʉndʉ kɨtsigo na sivɨlɨ (12).