Popular Bible Verses from DOOGIN 2

Share

‍Hoo Pwnbov bulug sig ginam mam tapanum, hoo Pwnbov Abraham lvgab, Aisak lvgab, hoo Jakub lvgab mwwg pvvb birnam mam mwwpanum. ‍Pwnbov Israel nyiilungam kaapanum—hoo Pwnbov cengnum.

‍Aalv vigo kokw so Ijipt gv lvpw atv siknum, hoo Israel nyiilungv bulug raasur gob hentwr henl swwgam gab sigin ginl hoo svka kodwb xabnum. Nyera-raasurb swwnam hoqgv ywwlin tvbwk hvl bulug xabnv Pwnbog dooktv hvvcnum.

‍Hwdlo kov akam yukam, mwn mwam Parog nyem ko dookho baqa jinum, hoo mwv mwnwg nyega ko gob nyiknum. Mwn mwam Mojes hvl eminum, “Hoggab mwn benum, “Ngo mwam iss hoqgv joolin pan.”

‍Hoo Parog nyem ko akv mwnwn benum, “Soq ko ak sam baqg dvl hoo mwam ngoqgab sokam to, hoo ngo noqg sojongam jitayin.” Ho nyem akv koam naalayil mwam soknum.

‍Ho Parog nyem kov pobu ho gv hurs taab haanum, hwdlo mwnwg nyem nyijwr ak pobu sugurho wl yvnum. Mwn poa ak rapeq peqtaqho kaapanum hoo mwnwg paqn nyem akam kanamnum, hoo mwn ham naanum.

‍Aal loog golo, hwdlo Mojes akam yukho, mwwg nyiilug dookub mwv lengnum hoo bulug vgwngam kaapanum, hoo mwwg nyiilu ak, Ijipt nyiingv Hibru nyi ak jwwdunam mam kaapanum. ‍Mwv taqg-loosaqb kvviyiq-kaaxeql kaaka tvl nyi akkam kaapa maaikam, mwv Ijipt nyiam jwwtabnum hoo mwam xuqx uraho hoqlynum.