Popular Bible Verses from DOOGIN 3

Share

‍Pwnbo Mojesnvn benum, “NGO NYIIPV ATV.” Hoo mwv benum, “Soq sam Israel nyiilungam beta, ‘NYIIPV ATV ngam nulug dookub kanam pakun.’”

‍Mwv benum, “Hvbmabde ngo noqg lvgab dootayin, hoo ngo nam kanam pan hvl soq sib nam kaacin dvb nyitayin: hwdlo no nyiilungam Ijipt hoqgv boolin yukam, no Pwnboam soq puutu so xumtayin.”

‍Ho mwv benum, “Ogumb hvvnwq maabv; noqg lvpiag samtaq ham pipaqto, hoggab noqg doqdu gvdwn nyook hv dvrwqbo kediv.”

‍Ho At Sw benum, “Ngo jvqtw jaqb ngoqg nyiilungv Ijipt gvdaho hentwr henl doonam mam kaapa paku hoo bonam nyim dvb nvmlwqbo tulug bulug hentwr-kaas dvb mvnam hoqgv bulug xabnam mam ngo tapa paku. Ngo bulug vc cil hentwram cengdwn, ‍hoo Ijipt nyi tulug alaq hoqgv bulam ngo naalin taab ipoq yin hoo bulam diibuq bvla taqtwb lywminko gvdaho boolin tayin, hoq gvda hv wtw lyuminko hoo ngola biqmin kov, Kanaan nyi tulug, Hittait nyi tulug, Amor nyi tulug, Perijj nyi tulug, Hibitait nyi tulug, hoo Jebus nyi tulug dook nyookv.

‍Hoo At Swg gumtwngv mwam puum pengko ho wm moilib bioqlinv kaakinum. Mwv kaanum, hoo kaato puum mam wmv gul doodunum, hvbsujaqkam hoqham gunyia maanum.

‍Haato, ngo nam Parog dookub ngoqg nyiilu, Israel ko tulungam, Ijipt hoqgv boolin mvdwb kanam tayin.”