Popular Bible Verses from Ka ki aitotiskeritci Cecoc otarotakana 4

Share

Wir tepirak Cecoc kata ki akwacimew awiriwa. Nama meka taw kotak awik ota askik ka ki pe iciticohikotc Kice Manitowa ke ki akwacimitokw.”

Ka ickwa aiamihatcik, neta ka tacikewaspan ka ki ici mawotcihitowaspan ki aiatcipariniw. Kaskina e tacitcik ki mockineckakowok Miro Manitowa, kirika ki pa tipatcimowok Kice Manitowa otitewiniw e sokeritakik.

Anotc tca, Teperitcikein, ki petawawok e kokwectatcihiwetcik, kirika miricinan ninan ka atoskectatak tekaci kitci sokerimoak e tipatatamak kititewin.

Anaha Cecoc, enko anahwe asini ka arimomakaniwitc Kice Manito Omasinahikanik: ‘Anaha asini, kirawaw manike iriniwok ka ki wepinekw, enko anaha aci ka mawotci kictapatisitc.’

Aniki iriniwok ka tipaskoniketcik cota iriniwok otci, Ka Kitci Tipaskoniketcik e icinikatakaniwitcik, micta mamiskaterimewakopan anihi Piena kirika Jean wa. Wapamewakopan meka e sokeritamiritci, kirika e kiskerimatcik aka e ki otci kiskinohamasoritci, aka kaie e kitci iriniwiritci. Kiskerimewakopan kaie e ki pa witcewaritci Cecoca.

Kaskina neta e tacitcik iriniwok ka tapwerimatcik Cecoca tekaci mamweritakosiwakopan, tapickotc e iteritakik kirika e ici nataweritakik, nama otci peikw neta e tacitcik kitci itetc e ici tatak wircike e tiperitak. Aric kaskina e tacitcik itewakopan: “Kaskina e ici tataman, kaskina e taciikw tapickotc ki tiperitenano.”