Popular Bible Verses from Lik Ejiptơ 20

Share

“Añ la Jehôwa Yàng Tom Trồ bol mê dê, Bơtau neh cèng bol mê bơh di Ejiptơ, klàs bơh di tiah ơm dĭ. Di đap Añ bol mê bañ gơs ală yàng ndai tai.

Bol mê bañ lơh să tòm he in dô nơm rùp duh khoai lơi gơs rùp să kung be dô nơm phan tòm trồ hơđang, tòm tiah hơđơm, hala tòm ală dà hơđơm ù. Bol mê bañ cùn khoai di đap bol gơ, hala duh khoai bol gơ; bơh Añ, Jehôwa Yàng Tom Trồ bol mê dê, la Yàng Tom Trồ ƀoah pơrñat, rơp tài bơh tồi glài ồng pàng dê mơ lơh glài kòn sau jơl tus di pe hala poan rài ală cau gơjrañ di Añ

Dòn duh tĕ mè bèp bol mê dê, tồ bol mê in geh kis jŏ jòng tòm lơgar mơ Jehôwa Yàng Tom Trồ bol mê dê ai bol mê in.

Kah tĕ ngai Saƀat mơ prap gàr gơ sàng goh.

Bol mê bañ ngui sơnđan Jehôwa Yàng Tom Trồ bol mê dê dô bă ò di pal, bơh Yàng Jehôwa rơp ò toh glài cau lơi in ngui sơnđan Kơnràñ dê dô bă ò di pal.

Tòm prau ngai bol mê lơh sa mơ lơh jơh ală broă bol mê dê; mơya ngai poh la ngai Saƀat Jehôwa Yàng Tom Trồ bol mê dê. Tòm ngai hơ̆ bol mê, kòn klau, kòn ùr, cau klau duh broă, cau ùr duh broă, ală phan poan jơng, bal mơ ală cau làng bơdìh ơm tòm hìu bol mê dê rơp ò lơh dô nơm broă lơi.

Bol mê bañ hàm hà hìu cau ơm rềp mơ bol mê. Bol mê bañ hàm kòñ bau ùr cau ơm rềp mơ bol mê, hala cau klau duh broă, cau ùr duh broă khai dê, kơnrồ, alàng, hala phan lơi gơrê bal mơ cau ơm rềp di bol mê.”

Bol mê bañ lơh cơng blac di cau ơm rềp mơ bol mê.

Bol mê bañ tìs glài rềs àr bơrnàn.

Bol mê bañ tơnchơt cau.

Bol mê bañ ntung kơñau.