Popular Bible Verses from Lik Ejiptơ 8

Share

Mơya tòm tŭ ală cau juh proh kòñ ngui bơta chài rgơi ndơp ndơr bol khai dê nàng lơh gơs sơmac gen bol khai ò rgơi lơh. Behơ̆ sơmac ơñùm di cau mơ di ală phan poan jơng. Ală cau juh proh đơs mơ Pharaôn lah: “Hơ̆ la ràs tê Yàng Tom Trồ dê.” Mơya nùs Pharaôn neh kră kơldang, khai ò iat jơnau Môise mơ Arôn dê, tòm toh be jơnau Yàng Jehôwa neh đơs.

Gen Yàng Jehôwa đơs mơ Môise lah: “Lòt tĕ hơ Pharaôn mơ đơs mơ khai lah: Yàng Jehôwa neh đơs be do: ‘Lòi tĕ làng bol Añ jê lik lòt, nàng bol khai duh khoai Añ.

Mơya tòm tŭ Pharaôn gŏ khai neh geh ơm lơngai rau, gen kơldang nùs, ò iat jơnau Môise mơ Arôn dê, tòm toh jat be jơnau Yàng Jehôwa neh đơs.

Dilah mê ò bài lòi bol khai lik lòt, Añ rơp tơndùh rung rài la gơs kit bềng lìu tòm làm jơh lơgar mê dê.

Gen Yàng Jehôwa đơs mơ Môise lah: “Đơs tĕ mơ Arôn lah: ‘Pò tĕ gai kwềt bi dê mơ pòng thul di ù, gen thul tòm làm lơgar Ejiptơ rơp gơlik gơs sơmac.’”

Mơ Yàng Jehôwa neh lơh behơ̆. Ală mpồl rhài gal ngan gơ par tus kung be ală puk mhwal tus tòm gơlang Pharaôn dê, tòm hìu ơm ală cau kwang duh broă khai dê, mơ ù tiah làm lơgar Ejiptơ gơkòl rhài phà tơnroh jơh.