Popular Bible Verses from Lucas 10

Share

Noqataj atiyta qoykichej katarikunata, atojsillokunatapis sarunaykichejpaj. Jinallataj awqaj tukuy kallpantapis atipankichej, manallataj imapis imanasonqachejchu.

Jesustajrí kuticherqa: Ay Marta, imaraykutaj tukuy imamanta phutikuspa, ajinata musphashankiri? Ujllamin aswan allin kajqa. Mariaqa chay aswan allin kajta ajllakun, chaytataj mana pipis paymanta qhechonqachu, nispa.

Chay runataj kuticherqa: Diospa Qhelqachisqanpeqa kay jinata nin: Tukuyta Kamachej Diosniykita munakunki tukuy sonqoykiwan, tukuy almaykiwan, tukuy kallpaykiwan, tukuy yuyayniykiwan ima. Jinallatataj runa masiykitapis qan kikiykita jina munakunki, nispa.

Jesustaj nerqa: Sut'ita niykichej: Poqoyta oqharinaqa ashkhamin, oqharejkunatajrí pisilla kanku. Chayrayku Chajrayojmanta mañakuychej astawan ashkha oqharejkunata kachamunanpaj.

Chantá Jesús chay yachachej runata taporqa: Chay kinsamanta mayqentaj rijch'asunki runa masin kasqanta suwajkunawan maqachikojpatari? nispa. Diospa kamachisqanmanta yachachejtaj kuticherqa: Mayqenchus khuyarqa, chay, nispa. Jesustaj nerqa: Ajinapuni, kunantaj qanpis kikillantataj ruwamuy, nispa.

Qankunaqa puririychej ari. Noqa kachashaykichej, corderokunatapis atojkunaj chawpinman kachashayman jina.