Popular Bible Verses from Lucas 9

Share

Chantá chaypi kajkunata Jesús nillarqataj: Pillapis yachachisqay kayta munajqa munasqanman jinalla purinanta saqenan tiyan, sapa p'unchay cruzninta oqharispataj, qhepayta jamuchun.

Pichus noqata kasunawanmanta nisqa kawsaynin aswan kasqanta qhawajqa mana wiñay kawsayman yaykonqachu. Chaywanpis pichus noqarayku kawsayninta mana may kasqanta qhawanchu, chay runaqa wiñay kawsayman yaykonqa.

Jesustajrí kuticherqa: Pichus llank'ana patapi aradoj manceranta jap'ispaña qhepata qhawajqa mana Diospa kamachiyninman yaykunanpaj jinachu, nispa.

Ima allintaj runapaj kanman, sichus kay pachaj tukuy kapuyninta jap'ispapis, pay kikin wiñaypaj chinkapunman chayqa?

Sichus pipis noqamanta, chantá nisqaymantawan ima p'enqakun chayqa, Runaj Churinpis paymanta p'enqakullanqataj. Ajinata ruwanqa, maypachachus jatun kayninpa lliphipiyninpi kutimonqa, chantá Tatanpa jatun kayninpa lliphipiyninwan, ajllasqa angelkunaj lliphipiyninkuwan ima, chaypacha.

Jesustajrí kuticherqa: Atojkunajtaqa qaqapi jusk'unku tiyan, p'isqokunapis thapayojllataj kanku. Runaj Churinpatarí, mana maypichus samarinallanpajpis kanchu, nispa.

Chantá nerqa: Pichus sutiypi kay wawa jina kajta: Walejta jamunki, nispa jap'ikojqa noqata jap'ikushawan. Jinallatataj pichus noqata jap'ikuwajpis kachamuwaj Tataytapis jap'ikullantaj. Chayrayku qankunamanta pisipaj qhawasqa kaj kurajniykichej kanqa, nispa.