Popular Bible Verses from Lucas 8

Share

Sumaj jallp'api t'akasqa mujurí ninakun, pikunachus tukuy sonqowan, cheqan yuyaywantaj Diospa simi nisqanta uyarinku, chaykunawan. Paykuna sonqonkupi Diospa simi nisqanta sumajta jap'ikuspa, chaymanta ch'ipakunku. Chantá pacienciawan sumajta poqoj planta jina kanku, nispa.

Khishkarara jallp'api t'akasqa mujupis uyarejkunawan ninakullantaj. Chaywanpis paykuna kay kawsaymanta phutikuykunawan, qhapaj kayta munanawan, sonqonkoj munayninta ruwayta munanawan ima atipachikunku. Chayraykutaj mana poqonankukama wiñankuchu.

Rumirara jallp'api t'akasqa mujurí ninakun, pikunachus Diospa simi nisqanta uyariytawan kusiywan jap'inku, chaykunaman. Chaywanpis paykuna mana allin saphichasqa kasqankurayku, pisi p'unchayllata Diospi atinikunku, llakiy qhatejtintaj, qhepaman kutiripunku.

Chaymantataj yachachisqankunaman nerqa: Maytaj noqapi atinikusqaykichejri? nispa. Paykunatajrí mancharikuspa, t'ukorqanku, paykunapurataj tapunakorqanku: Pitaj kay runa kanmanri wayratapis, yakutapis kamachejtin kasunankupajri? nispa.

Wakin runakuna ninakunku ñan patapi t'akasqa mujuman. Paykuna Diospa simi nisqanta uyarinku. Chaywanpis Kuraj Supay jamuspa, sonqonkumanta Diospa simi nisqanta qhechurparin ama Diospi atinikunankupaj, nitaj qhespichisqa kanankupaj.

Tukuy pakasqa kajpis jinallataj mana sut'inchasqa kajpis sut'inchakonqapuni. Nitaj pakasqallapuni kayta atinchu mana yachakuspaqa, manachayqa sut'inchakonqapuni.

Chantá chay warmi mana pakakuyta atispa, Jesusman kharkatitispa qayllaykorqa. Ñawpaqenman qonqoriykukuspataj, tukuy runaj ñawpaqenpi sut'incharqa, imaraykuchus Jesusta llankhaykusqanta, imaynatatajchus llankhaykusqantawan, onqoyninmanta qhaliyasqanta ima. Chantá Jesús nerqa: Wawáy, noqapi atinikusqaykirayku qhaliyachisqa kanki. Kunantaj sonqo tiyaykusqa ripuy, nispa.

Jesuspa yachachisqankunataj payman qayllaykuspa, rijch'aricherqanku: Yachachej, Yachachej, chinkaykushanchejña, nispa. Chantá Jesús rijch'ariytawan, wayrata k'amerqa, yaku oqharikojtawan. Jinallapi wayra thañerqa, yakupis tiyaykaporqa.