Popular Bible Verses from Markúsarguðspjall 11

Share

Fyrir því segi ég yður: Hvers sem þér biðjið í bæn yðar, þá trúið, að þér hafið öðlast það, og yður mun það veitast.

Sannlega segi ég yður: Hver sem segir við fjall þetta: ‘Lyft þér upp, og steyp þér í hafið,’ og efar ekki í hjarta sínu, heldur trúir, að svo fari sem hann mælir, honum mun verða að því.

Og þegar þér eruð að biðja, þá fyrirgefið, ef yður þykir nokkuð við einhvern, til þess að faðir yðar á himnum fyrirgefi einnig yður misgjörðir yðar. [

Jesús svaraði þeim: “Trúið á Guð.

Og hann kenndi þeim og sagði: “Er ekki ritað: ‘Hús mitt á að vera bænahús fyrir allar þjóðir?’ En þér hafið gjört það að ræningjabæli.”

Þeir sem á undan fóru og eftir fylgdu, hrópuðu: “Hósanna! Blessaður sé sá sem kemur, í nafni Drottins!

Blessað sé hið komandi ríki föður vors Davíðs! Hósanna í hæstum hæðum!”