Popular Bible Verses from Yowaana 14

Share

Mbalehera omuleembe; mbaberesa omuleembe kwaange. Haba simbaberesa omuleembe koti lu syaalo siberesa daawe. Mutaleha emyooyo kyeeng'we kyeelalihira, haandi kyaatya daawe.

Yesu yamuboolera ati, “Ese ndi engira yaachana, obwadyeeri, neende obulamu. Abulao onyala ohwoola eyiri Nasaae, naatabitiire hweese.

“Muteelalihiraanga mu myooyo kyeeng'we. Fukiirire mu Nasaae, haandi mufukiirire mweese syesi.

Nae Omukeraki, Omwooyo Mwoolerefu oyo, yi Laata achia ohutuma mu liita lyaange, yahabeekese ebiindu byoosi, haandi yahabeechulise ebyo byoosi bi ndababoolera.

Oyo owuwulira amalako kaange mani yaakadiira, niye oba niyaheera. Laata achia ohuheeraanga oyo owuheera, syesi njia ohumuheeraanga, haandi njia ohweyekesaanga yaali.”

Syesi njia ohusaba Laata, mani ababerese Omukeraki wuundi, oyo ochia ohubechaanga naang'we endaalo choosi. Oyo niye Mwooyo owadyeeri yi syaalo sitanyala ohunyoola, olwohuba esyaalo haba sisimubona haandi sisimumanyire daawe. Nae eng'we mumumanyire, olwohuba ali mweeng'we, haandi anabechaanga mweeng'we.

Haandi buli siindu syoosi si munaasabeenge Laata mu liita lyaange, njia ohusiholaanga, hu bulaanu Laata yeeswemo oluyaali ohubitira mu Mwaana. Nimunaasabeenge esiindu syoosi mu liita lyaange, njia ohusiholaanga.

“Nimuuheera, muchia ohudiiraanga amalako kaange.

Mu nyuumba ya Laata mulimo ebiseenge ebiingi. Siba nisitaali sityo, haba sindahababoleere endi njia ohubatekehera obwiihalo.

Nindahabe malire ohuchia, nimbatekeheere obwiihalo, ndahakobole mani mbayire yi ndi, mani mwesi mube eyo yi ese ndi.

Tomasi nae yamuteeba ati, “Omwaami, y'ochia haba sihumanyireo, hunyala hutye ohumanya engira yichaayo?”