Popular Bible Verses from Yowaana 15

Share

Ese ndi omusabbiibbu, eng'we niing'we amasaga. Oyo oba mweese, mani syesi ndaamubaamo, niye owaama ebyaamo biingi, olwohuba siwumao si munyala ohuhola nitaali naang'we.

Mudoong'e mweese, haandi syesi ndoong'e mweeng'we. Koti lu saga litanyala ohwaama ebyaamo hulwalyo lyoong'ene nilitaali hu musabbiibbu, nilwo lu mwesi mutanyala ohwaama ebyaamo, nimutaali mweese.

Nimuba mweese, haandi emboosi chaange chosi chaababaamo, musabeenge esiindu syoosi si mudaha, mani sichia ohubaholerwaanga.

Haba siniing'we abandoola daawe, nae ese niise owabadoola haandi ndabatuma endi muchie mwaame ebyaamo, haandi endi ebyaamo byeeng'we biyiindire. Mani buli siindu syoosi si munaasabeenge Laata mu liita lyaange, achia ohusibaberesaanga.

Abulao oli neende obuheeri buhira obw'oyo owayaanayo obulamu bwae hulw'aabo ba yaheera.

Buli saga eliri hweese elitaamaho ebyaamo alyaakulaangaho, nae buli saga lyaamaho ebyaamo alihaliirira hu linyale ohwemeeda ohwaamaho ebyaamo biingi.

“Elako lyaange nilyo lino, muheeraneenge abeene-na-beene, koti lu ese ndabaheera.

Nimwaama ebyaamo biingi, mani mweekesa muti muli abeeki baange badyeeri, Laata achia ohunyoola oluyaali.

“Ese ndi omusabbiibbu kwadyeeri, Laata niye omulimi.

Oyo otali mweese, yahasukunwe erwaanyi koti esaga mani yoomerera. Amasaga kali katyo, kabuuswaangwa alala mani kasukunwa mu muliro, kasaambwa.

Mbabooleere ebyohu sangaalo lyaange linyale ohuba mweeng'we, haandi hu sangaalo lyeeng'we linyale ohuba eliichufu.

Nimudiira amalako kaange, munabechaanga mu buheeri bwaange, koti lu syesi ndiira amalako ka Laata, mani ndaaba mu buheeri bwae.

Mbalagira sino endi muheeraneenge abeene-na-beene.

Muba nimuli abohu syaalo huno, esyaalo syahabaheerere koti abasyo. Nae olwohuba ese ndabadoola, haba simuli abohu syaalo daawe. Sakira esyaalo sibasyuula.