Popular Bible Verses from Milʉ́mlʉ́ 9

Share

Nó ó Tî Yésʉs á lɛ́ɛ e né ó: «Tóʼ, ebě, me á si twâr mʉ̌r nɨ̌. Lɔ́ɔ́ wâm, wé ótó lɛ́ɔɔ kwá byúú bíkûl bi bʉ̂r ó, ɨ́ nzɨ̌ nyé. Nye ólɛ́ɛ ntémé ojwɨ́ɨ́ bɔ́ɔ́ wǎ, bé e bʉr o b'Ɨ́zraɛ̂l.

Nye ntɔ̂ʼ duma sí, nzě jóʼo twíí lɨ́ elɛ́ɛ e né ó: «Saʉ̂l, Saʉ̂l, gǒ bá tíble mé mpʉ́nʉ̌ ɨ́ yé?» Nye ntɔ̂ʼ dî ó: «Dâ ɛ̌! Gua, go nzé ɛ́?» Twíí ntɔ̂ʼ yala ó: «Mɛm, me ó Yésʉs, mʉr gó dí etíble nyá.

Nó nyé á nze mɔa, tó pyâl ɨ́ mbɛ̌r waá. Nye ntɔ̂ʼ kɛ̌l Saʉ̂l mebô. Nye e né ó: «Saʉ̂l, mɨ́ɔɔ́ wǎm, Tî Yésʉs á si pyâl go ɨ́ nzɨ̌ ɨ́ jɔʼ gó á be lɨ́ enze kâʼ yɨ́. Nye lómó mé ó, me sâʼ ó, go báʼa bee, le ntémé ó, go díʼee lwɨ́ŋlá e Sísǐm mé Nzyɛ̌m.» Tyé e tyé yaá, byúú bísɔ̂ʼ, nwɨɨla e bipapâ, byé ntɔ̂ʼ pɔʼǎ Saʉ̂l ɨ́ mîh, nye ntɔ̂ʼ báʼǎ beě mbɨ̂mbɨá. Nye nzě gbɔlwa ɨ́ joó, ntɔ̂ʼ duŋɔɔ.