Popular Bible Verses from Luc 6

Share

Dwéʼ gá bʉr bisâ, bɨ̌n ntémé bé ódweŋɔɔ byê. Nzyɛ̌m ójwɨʼ bɨ́n byǎ e kǎr dí ɨ́ bwǎʼ mo yɨ́. Nye ókaale bɨ́n byǎ ó, le esʉ, le edine, le esʉ, le edine, gúú pâʼ tɨ̂ʼ swɨɨ sí. Bím bɨ́n dí ekaale bʉ́ʉ́ bʉ̂r yɨ́, bím yaá ntémé ó nyé ngá kaale bɨ́n yɨ́.»

Lémé mʉ̂r, wé ó ekʉ̌m, gúmó mʉ̂r tɨ̂ʼ dí ekomo bísá byé yɨ́. Mbɨambɨa mʉr pípyél tɨ̂ʼ ó bisá bí émbɨa. Bɨ́bla mʉ̂r jaá pyél tɨ̂ʼ ó, njɨ byaá bí ébébe. Mbǐ lwǐb mʉ̂r dí elwib mílɔ̌b wɨ́, wé ó dí elɛ̂ʼlě sá dí nye ɨ́ buo buo ɨ́ lémé wé yɨ́.»

Sâ gwár, ɨ́ wɨ́n pâʼ, kpɛlɨɨ gá ontɨ̂m le obɨn bɨ́n. Sáʼ gá bé embɨa. Kʉlɨɨ gá bʉr mɔnɨ́, akǎ bûʼla ó, bé óbwóolo bɨ́n yǎ. Bɨ̌n bé ókʉ́ bi myɛ́na tɨ̂! Nó ó bɨ́n óbe bwán mé Nzyɛ̌m dí Lʉ́ bísá bíbyɛ̂h nyá yɨ́, ebě, nye lɨ́ ecwɨ́a e bʉr o dí adwe nyé nzyǒo bá ti e bʉr ó jélé.

Jɨ́ʼɨ́ɨ́ gá bʉr nkoó mpʉ Sɔ́ŋ wɨ́n dí ejɨ̂ʼ bɨ́n yɨ́!»

«Ayɨ́ dwe gá bʉr mebě, ebě, Nzyɛ̌m ámû jaá dwe bɨ́n mebě tɨ̂. Ayɨ́ dwe gá bʉr mpono. Nzyɛ̌m nkʉ̂ be, adwe bɨ́n mpono. Pɛʼɛɛ gá bʉr bibaa bí ébébe bɨ́n á niʼe bé bí, Nzyɛ̌m nkʉ̂ pɛʼ bɨ́n byaá nyé á niʼe bɨ̌n bí.

«Ɨ́ páʼ wɨ́n, bʉr o dí ejóʼo mé bá, mě lɛ́ɛ́ bɨ́n ó: kpɛlɨɨ gá ontɨ̂m le obɨn bɨ́n. Cwɨ́áá gá e bʉr o dí enwim bɨ́n bá. Sʉʼoo gá bʉr metyɛʼ me mpóm ɨ́ jɔʼ bé dí esyɛm bɨ́n yɨ́. Bʉ̂r sá bɨ́n ebébe nɛ́ɛ: jɨʼlaa gá lɨ́ esú lɔ́ɔ́!

Mpʉ bɨ́n dí egwɨ̂m ó, bʉr sâʼ bɨ̌n yɨ́, sáʼ gá ntémé bé nó.

Mʉ̂r ŋmɛ́h gó bɛ̂h ɨ́ lɨ̂ʼ émúʼ nɛ́ɛ: bírɨ́ɨ́ nyé ó, nye ŋmɛ́hɛɛ go ntémé lʉ́ʉ́. Mʉ̂r dɛ́ʼ gó kʉ̂r nó, bírɨ́ɨ́ nyê, nye nʉ́aa ndu e dur. Mʉr nyɨnyɛ̂h jáʼ gó sɔ̂ʼ nyá, bɨ̌n e dwé nyé yǎ. Ató dû bísá bʉ̂r, bé á dɛn bí.

«Mbɨambɨa lɨ́, yé abe e nkul egúmo bíbol bi mpúmó. Bǒl lɨ́ agúmǒ mbɨambɨa mpumó.

Mʉ̌r dwidweʼě lɨ́ yɨ́yɛ̂h ó ɨ́ wé mbi mpúmó. Bé abe lɨ́ emwâʼ mpúmó sá lɨ́ esyɛh. Bé abe lɨ́ emwâʼ sɔɔ́ ɨ́ bikpâʼ míkǒl.