Popular Bible Verses from Markus 2

Share

Yesʉs ntɔʼ joʼo be lé elwib no. Nye ó: «Mɨnjɨh, myé ajɨ ejʉmba boo dɔbra. Mɨsyoblʉ myé ome ó lé ejɨ dʉm. Me a baaze jebe ocɨcyel o bʉr. Me a ze jebe ó osyɛl o mɨsyem.»

Mpʉ Yesʉs a bee mpʉ bé a jyɛʼ taa buʼo yɔɔ boo nye e, nye e mbʉmbʉʼ ó: «Mwan wam, bɨbaa bɨ ebebe byo, bi pɛʼɔ!»

Nye ó: «Moho saba, wé a cyelɔ ó, é l'efu e mʉr. Mʉr a baakomlɔ é l'efu e moho waa.

No ó mpʉ bé a baabee gumo bé cwɨŋɨ é lɔb mpuo bʉr ɨ, bé ze jʉ̀ kʉ é mie mbɛr Yesʉs a be e, tubɔ egʉa é mie, ntɔʼ filɔ tɔɔ syoblʉ wɔɔ tɨʼ é l'egʉa.

Sa gwar, me muno ze lɛʼle bɨn dweʼle ó, Mwan mo Mʉr ó ndɨ e nkul mojwɨ̀ʼa é si nwaʼ é l'efu ó, nye pɛʼɛ bʉr bɨbaa Zyɛm lé eniʼe é lɔb mɨsyem myɔɔ ɛ.» Nye ze lɛɛ e mbʉmbʉʼ ó: «Me lɛɛ e go ó: Mʉŋa. Nkɛŋɨ tɔɔ go. Go à to kwar go.»

Yé ndɨ é kunbo lé esa? Zê yé é kunbo ó, go lɛŋɨ mbʉmbʉʼ mʉr ó: “Bɨbaa bɨ ebebe byo, bi pɛʼɔ” ɛ? Zê yé é kunbo ó, go lɛŋɨ nye ó: “Mʉŋa si. Nkɛŋɨ tɔɔ go. Go à laa” ɛ?

Cye e cye yaa, mʉr waa ntɔʼ mʉa si é bʉ, nkɛɛ tɔɔ we, ntɔʼ kœʼ, bʉr bɨbɛh lé ebee! Bʉr bɨbɛh, bé a si jehe syɛɛla yaa, ntɔʼ dwiibɨ Zyɛm. Bé ó: «Bɨna bé apa bee ga yʉʉ sɔʼɔ nwɨɨla e yi!»