Popular Bible Verses from EXODO 5

Share

Chaymantam Moiseswan Aaron yaykurqaku Faraonman hinaspam payta nirqaku: —Israelpa yupaychasqan Tayta Diosmi nin: “Runaykunata kachariy chunniqpi fiestata rurapuqniy rinankupaq” nispa.

Faraonman qampa sutikipi rimapayaq yaykusqaymantapunim runaykikunataqa mana allinta Faraonqa rurachkan. Qamqa manamá runaykikunataqa libraykunkichu —nispa.

Chaymi Tayta Diosta huktawan mañakuspan Moises nirqa: —Señorlláy ¿imanasqataq mana allinta ruranki kay runakunata? ¿Imapaqtaq kachamuwarqanki?

Chaymi Rey Faraonñataq nirqa: —¿Pitaq Tayta Diosqa kasunaypaq hinaspa Israel castakunata kachaykunaypaqqa? Tayta Diostaqa manam reqsinichu manataqmi Israel castakunataqa kachariymanchu —nispa.

Ichaqa qayninpakuna adobe ruranankuta hinam rurachinkichik, amam imaniraqtapas menosyachinkichikchu. Ociosom kachkanku chaymi rimachkanku: “Animalkunata wañuchispayá adoramusunchik Diosninchikta” nispa. As allinta llamkachiychik chaypi ocupakuspa llulla rimaykunata ama uyarinankupaq.