Popular Bible Verses from EXODO 7

Share

Hinaptinmi Moisesta Tayta Dios nirqa: —Qamtaqa diosta hinam churaruyki Faraonpaq, wawqeki Aaronñataqmi kanqa qanmanta willakuq hina.

Aswanqa ñoqam Faraonpa sonqonta rumiyarachisaq hinaspam Egipto nacionpi achka-achka señalkunata hinaspa milagroykunata rurasaq. Faraonqa manam uyarisunkichikchu. Aswanqa ñoqam Egipto nacionta castigasaq mancharikuypaq castigokunawan hinaspam Israelpa miraynin tropaykunata horqosaq.

Egipto runakunata atiyniywan castigaspa Israelpa mirayninkunata paykunapa chawpinmanta horqoptiymi Egipto runakuna yachanqaku ñoqaqa Tayta Dios kasqayta.

Chaymi Faraonpas qayarqa yachaysapa runakunatawan brujokunata hinaptinmi Egipto nacionniyoq brujokunapas chaynata rurarqaku brujeriankuwan: sapakama tawnankuta wischuykuptinkum chaykunapas tikrakururqa culebraman, aswanqa culebraman tikrakuq Aaronpa tawnanmi paykunapa culebraman tikrakuq llapallan tawnankuta millpururqa.

Kaynatam Tayta Dios nin: ‘Kunanmi yachanki Tayta Dios kasqayta: Moisespa makinpi tawnaywanmi mayuta waqtarachisaq hinaptinmi yakuqa yawarman tikrakurunqa.

—“Qawachiway milagrota” nispa Faraon nisuptikichikqa Aarontam ninki: “Hapiy tawnaykita hinaspa Faraonpa ñawpaqninman wischuykuy culebraman tikrakunanpaq” nispa. Yaykurqakum Faraonman Moiseswan Aaron hinaspam Tayta Diospa kamachisqanman hina rurarqaku. Chaymi tawnanta Faraonpa hinaspa serviqninkunapa ñawpaqninman Aaron wischuykurqa hinaptinmi culebraman tikrakururqa.