Popular Bible Verses from JUAN 12

Share

Pipas serviwaqqa qhepayta hamuchun, serviqniyqa maypichus kasqaypin kallanqataq. Pipas serviwaqniytaqa Yayaymi hatunchanqa.

Kawsayninta munakuqqa chinkachinqan, kay pachapi kawsayninta cheqnikuqtaqmi wiñay kawsaypaq waqaychanqa.

Cheqaqtapunin niykichis, trigo ruruchus yapusqaman mana chayanchu, manataq wañunpaschu chayqa, sapallanmi qhepan, wañuspanmi ichaqa askhata rurun.

Ñoqa k'anchaymi kay pachaman hamuni, pipas ñoqapi iñiqqa mana laqhayaqpi kananpaq.

Pipas simiykunata uyarishaspa chaykunata mana hunt'aqtaqa manan ñoqachu huchachasaq. Manan runakunata huchachanaypaqchu hamuni, aswanpas runakunata qespichinaypaqmi.

Mariataqmi ancha chaniyoq huk botella nardo q'apaq hawina aceitewan Jesuspa chakinta hawiykurqan, hinaspan chukchanwan ch'akichirqan. Wasimantaqmi hawinaq q'apaynin hunt'aykurqan.

palma k'allma hap'intinkama payta chaskiq lloqsirqanku, hinaspan kunkayoqta nirqanku: ¡Yupaychasqa kachun! ¡Saminchasqa kachun Señor Diospa sutinpi hamuqqa! ¡Saminchasqa kachun Israelpa reyninqa! nispa.

Chaymi Jesusqa paykunata nirqan: —Ñan tiempoña Diospa Kachamusqan Runa hatunchasqa kanaypaq.