Popular Bible Verses from JUAN 13

Share

Mosoq kamachikuytan churapuykichis: Qankuna pura munanakuychis. Imaynan ñoqapas munakuykichis, ahinata qankunapas munanakuychis. Chhaynapin ñoqaq yachachisqaykuna kasqaykichista llapa yachanqaku qankuna munanakuqtiykichis, nispa.

Ñoqa Señorpas Yachachikuqpas kashaspay chakiykichista maylliqtiyqa, qankunapas chakiykichista mayllinakunaykichismi. Yachaqakunaykichispaqmi rikuchiykichis, imaynan ñoqa ruwani ahinata qankunapas ruwanaykichispaq.

Jesustaq nirqan: —Kunanqa manan entiendenkichu kay ruwasqayta, qhepamanñan entiendenki, nispa.

Cheqaqtapunin niykichis, kamachiqa manan patronninmanta kurakchu, manallataq kachasqapas kachaqninmanta kurakchu.

Kaykunata yachaspachus ruwankichis chayqa, kusisamiyoqmi kankichis.

Cenasqanmanta hatarispataqmi pata p'achanta ch'utikuspa toallawan cinturanta wataykukurqan. Hinaspan puruñaman unuta hich'aykuspa yachachisqakunaq chakin maylliyta qallarirqan, watakusqan toallawantaq ch'akichirqan.