Popular Bible Verses from JUAN 17

Share

Cheqaq-kayniykiwan paykunata t'aqay qanllata servinankupaq, simiykiqa cheqaq-kaymi.

Chay wiñay kawsayqa kaymi: Qan sapallayki cheqaq Diosta, kachamuwasqayki ñoqa Jesucristotawan reqsiyninku.

Manan paykunallapaqchu rogakuyki, aswanpas paykunaq siminta uyarispa ñoqapi iñinqaku chaykunapaqwanmi. Yayáy, llapallanku hukllapuniña kanankupaqmi mañakuyki, imaynan qanpas ñoqawan huklla kashanki, ñoqapas qanwan huklla kashani, chay hinallataq paykunapas ñoqanchiswan hukllapuniña kanankupaq, ahinapi kachamuwasqaykita runakuna creenankupaq.

Manan kay pachamanta paykunata horqonaykipaqchu mañakuyki, aswanpas saqramanta paykunata waqaychanaykipaqmi.

Hatunchawasqaykiwanmi ñoqapas paykunataqa hatuncharqani, imaynan ñoqanchispas hukllapuni kanchis, chay hina paykunapas hukllapuni kanankupaq. Chay hinallataq ñoqapas paykunawan huklla kasaq, qanpas ñoqawan huklla kanki, ahinapi hukllapuniña kanankupaq. Chay hina kaqtinqa runakunan kachamuwasqaykita yachanqaku, ñoqata munakuwasqaykita hina paykunata munakusqaykitapas yachanqaku.