Popular Bible Verses from JUAN 4

Share

Diosqa Espiritun, payta yupaychaqkunaqa Diospa Espiritunpa yanapasqan Diospa kayninman hinapunin yupaychananku, nispa.

Ichaqa tiempon chayamushan, chayarqamunñan, chay pachan cheqaq yupaychaqkunaqa Yayata yupaychanqaku Diospa Espiritunpa yanapasqan Diospa kayninman hinapuni, Yayaqa chay hina yupaychaqkunatan munan payta yupaychanankupaq.

Ñoqa qosaq chay unuta ukyaqmi ichaqa manaña hayk'aqpas ch'akichikunqachu, aswanmi ñoqa qosaq chay unuqa phullpumuq unu pukyu hina paypi kanqa, hinaspa wiñay kawsayta qonqa, nispa.

Hinan Jesusqa payta nirqan: —Diospa qonasuykitachus yachawaq, “ukyaykachiway” niqniykitapas reqsiwaq chayqa, qanchari ñoqamanta mañakuwankiman, ñoqataq kawsachiq unuta qoykiman, nispa.

Jesustaq paykunata nirqan: —Mikhunayqa kachamuwaqniy Yayaq munayninta ruwaspa paypa ruwananta hunt'anaymi.

Warmitaq nirqan: —Wiraqocháy, manamá imawan aysanaykipas kanchu, p'uytupas ukhutaq. ¿Maymantataq chay kawsachiq unuta qowankiman?

Warmitaq nirqan: —Yachanin Diospa Akllasqan Cristo nisqa Mesiaspa hamunanta, paymi hamuspan lliw imaymanata sut'inchawanqaku, nispa. Hinan Jesusqa nirqan: —Ñoqa rimapayaqniykin chay Mesiasqa kani, nispa.

—Hamuychis, lliw ruwasqaykunata niwaqniy runata rikumuychis. ¿Paychu icha Diospa Akllasqan Cristoqa kanman? nispa.