Popular Bible Verses from LUCAS 12

Share

Diospa Kachamusqan Runaqa*f** mana suyasqaykichis horatan hamusaq, chayrayku listollaña kaychis, nispa.

Aswanpas munaychis tukuy imapi Dios kamachiqniykichis kananta, hinan chaykunata payqa qosunkichis, nispa.

Chaymantataq runakunata nirqan: —Qhawariychis, tukuy imatapas munapayaymanta cuidakuychis. Runaqa askha kaqniyoq kashaspapas, manan ninmanchu: Kawsashallasaqmi, nispaqa, nispa.

Maypichus qhapaq-kayniykichis kashan, chayllapitaqmi sonqoykichispas kashan, nispa.

¿Mayqenniykichistaq atinman llakikushaspan sayayninman huk chhikallantawanpas yapaykukuyta?

Chaymantataq Jesusqa yachachisqankunata nirqan: —Chayraykun niykichis, ama llakipakuychischu imatachus mikhunaykichismantapas imawanchus p'achakunaykichismantapas.

Chay hinallataqmi chukchaykichispas llapallan yupasqa kashan. Chay hinaqa ama manchakuychischu, askha pichitankamantapas aswan chaniyoqmi kankichis, nispa.

Qankunaqa pisi ovejakuna hinallaña kaspapas, ama manchakuychischu, Yayaykichismi kamachikuyninpi kamachiysikunaykichista munan.

Qhawariychis alqamarikunata, manan tarpunkupaschu cosechankupaschu, manan despensankupas taqenkupas kanchu, chaywanpas Diosmi mikhuchin. Qankunaqa phalaq animalkunamantapas aswan chaniyoqmi kankichis.

Chayrayku ama puriychischu: ¿Imatataq mikhuykusaqpas? ¿Imatataq ukyaykusaqpas? nispaqa. Amayá llakipakuychischu.

Chay hinatan Diosqa campopi plantakunata p'achachin, chaykunan huk p'unchay wiñan qhepantin p'unchaytaq hornoman wikch'uykunku. ¿Chaychu Diosqa qankunatapas mana uywasunkichisman? ¡Qankunaqa pisi iñiyniyoqmi kankichis!

Manan imapas pakasqaqa kanchu mana rikhuriqqa, manataq ima pakasqapas kanchu mana yachakuqqa.