Popular Bible Verses from LUCAS 6

Share

Qoychis runa-masiykichisman, ahinapin Diosqa qosunkichis. Payqa qosunkichis allin tupusqata, ñit'isqata, chhaphchisqata, unkhuyniykichispi llimp'arishaqta. Kikin tupusqaykichis tupuwanmi Diosqa tupusunkichis, nispa.

Allin runaqa allin sonqoyoq kaspanmi allinta riman, mana allin runataq millay sonqoyoq kaspa millayta riman. Imachus sonqonpi hunt'a kashan chaytan simiqa riman.

Munakuychis awqaykichiskunata, allinta ruwapuychis, manuychistaq ama imatapas chaskikuyta yuyaspalla, chaymi premioykichisqa hatun kanqa, hinaspan Qollana Diospa wawankuna kankichis. Payqa mana reqsikuqninkunapaq, mana allinkunapaqpas sumaq sonqon.

Ahinaqa khuyapayakuq kaychis, imaynan Yayaykichispas khuyapayakuq hina.

Ama runa-masiykichista huchachaychischu, ahinapin Diosqa mana huchachasunkichischu. Ama huk runakunata huchachaychischu, ahinapin Diosqa mana huchachasunkichischu. Hukkunata pampachaychis, ahinapin Diosqa pampachasunkichis.

Uyariwaqniykunamanmi niykichis: —Munakuychis awqaykichiskunata, allinta ruwaychis cheqniqniykichiskunapaq, sumaq simiwan kutichiychis ñakaqniykichiskunaman, yanqamanta tumpaqniykichiskunapaqpas Diosmanta mañapuychis.

Imaynan qankunapaq runakunaq ruwananta munankichis, chay hinallatataq qankunapas paykunapaq ruwaychis.

Huk lado uyaykipi saqmaqniykimanqa, huknin ladotawanpas kutirichiy, capaykita qechuqniykimanqa camisaykitapas ama hark'akuychu. Pipas mañakuqniykimanqa qoy, imaykitapas hap'ikapuqmantaqa amaña mañakapuychu.

Allin sach'aqa manan mana allintaqa rurunchu, manallataq mana allin sach'apas allintaqa rurunchu.

Sapanka sach'aqa rurunpin reqsisqa. Manan higostaqa khiskamantachu pallanku, manallataqmi uvastapas t'ankarmantachu pallanku.