Popular Bible Verses from LUCAS 7

Share

Chayraykun niyki, paypa askha huchankunatan pampachani sinchita munakuwasqanrayku. Pisillata pampachasqaqa pisillatan munakun, nispa. Warmitataq nirqan: —Huchaykikunatan pampachayki, nispa.

Chaymi Jesusqa warmita nirqan: —Diospi iñiyniykin qespichisunki, sumaqllaña ripuy, nispa.

Hinaspan Jesuspa chakin qayllapi qonqoriykukurqan, waqaspataq weqenwan chakinta ch'aqchurqan, hinaspan chukchanwan ch'akichirqan, chakintapas much'aykuspataq q'apaq hawinawan hawiykurqan.

Manan qanman hamunaypaq hinachu kani. Rimarimullay, hinan kamachiyqa qhaliyarqapunqa. Ñoqaqa kamachina runan kani, hinallataq soldadokunata kamachini. Chaymi hukninta “Riy” niqtiy, rin. Hukninta “Hamuy” niqtiypas, hamun. Kamachiypas “Kayta ruway” niqtiy, ruwan, nispa. Jesustaq chayta uyarispa chay capitanmanta muspharqan, hinaspan kutirispa qhepan hamuq runakunata nirqan: —Niykichismi, manan Israel runakunapipas kay hina iñiyniyoq runataqa tarirqanichu, nispa.

Chay raton qhaliyachirqan askha onqosqakunata, nanayniyoqkunata, millay supaypa ñak'arichisqankunatapas, askha ñawsakunatataq qhawarichirqan. Hinaspan Jesusqa paykunata nirqan: —Kutispa Juanman willamuychis rikusqaykichista, uyarisqaykichistawan: Ñawsakunan qhawarin, wist'ukunan puririn, aycha qarapi millay onqoyniyoqkunan alliyan, roqt'ukunan uyarin, wañusqakunan kawsarimpun, wakchakunamantaq Diosmanta allin willakuykuna willakun.