Popular Bible Verses from LUCAS 9

Share

Llapa runakunamantaq nirqan: —Pipas qhepayta hamuyta munaqqa pay kikinta sapa p'unchay nikuchun: Manañan ñoqapaqchu kawsani, nispa, hinaspa ñoqarayku ñak'arispa wañunanpaq kaqtinpas qhepayta hamuchun.

Pipas pay kikillanta waqaychakuyta munaqqa wiñaypaqmi chinkapunqa, pipas ñoqarayku wañuqmi ichaqa wiñaypaq kawsanqa.

Hinan Jesusqa payta nirqan: —Pipas yapunata hap'iykuspaña qhepaman qhawariqqa, manan Diospa kamachikushasqanpi llank'ananpaq hinachu, nispa.

Huk runachus kay pachantinpi lliw kaqkunata hap'ikapuspa, wiñaypaq chinkapunqa chayqa, ¿ima allintaq paypaq kanqa?

Pipas ñoqamanta simiykunamantawan p'enqakunqa chayqa, Diospa Kachamusqan Runapas paymantaqa p'enqakullasaqtaqmi, Yayaqpas ch'uya angelkunaqpas hatunchasqan lliphlli-kayniypi hamuspay.

Jesustaq payta nirqan: —Atoqkunapas t'oqoyoqmi, phalaq animalkunapas q'esayoqmi, Diospa kachamusqan Runaqmi*f** ichaqa mana kanchu maypi puñuykunallaypaqpas, nispa.

paykunata nirqan: —Pipas ñoqaq sutiypi kay wawata chaskiqqa, ñoqatan chaskiwan, pipas ñoqata chaskiwaqtaqmi kachamuwaqniy Diosta chaskin, qankuna ukhupi aswan huch'uykaqmi qollanaqa, nispa.