Popular Bible Verses from Īmbōmbo Sya Batumịgwa 4

Share

Bukajamo nabumo ubupokị mmụ̄ndu ujūngi; namanga jikajako najimo īngamụ ijīngi nkị̄su kyosa, iji tubagị̄le ukubwagilamo ubupokịgwa uswe.

Lelo bo bị̄pụ̄tịle po papo pabujo apa bābūngēne palinkusenyendeka; bōsa balị̄swile Mbepo Mwịkemo, balinkulūmbilila ilịsyu lya Kyala nubukịfụ.

Lilino lelo gwe NTWA ukētege ukutị̄lisya kwabo, utupege twe babōmbị bāko ukulilūmbilila ilịsyu lyako nubukịfụ bōsa.

Jesụ Kilisịtị jujuju, jo ịbwe ili lyasyokelị̄gwe nanụmwe mwe bajēnga nyụ̄mba, lyo lị̄pelịle ukuja ịbwe ịkulūmba lya pāngụto.

Lelo bo babubwene ubukịfụ bwa Petelị na Johanị, bo basyagēnịe ukuti bakamanya kalata, kangi bakaja bamang'anyị, balinkunswịganịka, balinkusyaganịa ukuti bo aba bali nagwe Jesụ.

Po papo ikilūndilo kya bị̄tikị kilinkuja nindụmbụla jimojēne, numōjo gumogwene, akālipo najumo ugwa kuti ifị ali nafyo fyake mwene, lolị balinkulilanịla fyosa ịtolo ifị bali nafyo.