Popular Bible Verses from Īmbōmbo Sya Batumịgwa 5

Share

Po papo Petelị na batumịgwa abanịne balinkubāmụla balinkuti: Uswe tụkuntị̄laga Kyala po papo ukukīnda abāndu.

Bwịla ịtolo balinkusịta nukuleka ukumanyịsya nukufụmụsya īnōngwa nnyụ̄mba ja NTWA na nnyụ̄mba syabo, īnōngwa īnụnụ isya Jesụ Kilisịtị.

Po papo Petelị alinkunndālūsya alinkuti: Ananịja fịkị ukuti Setano ị̄sulege mụndụmbụla jako, ukuti unsyobēge Mbepo Mwịkemo, apa utapwịlepo īndalama sya kị̄su iki gūlị̄sye? Apa gwali nakyo po kikāli kyako? Kangi bo kyulisị̄gwe, kikāli mmaka gāko? Syo usịbīkịle syakị sịsịsị mụndụmbụla jako? Ungātigi ubasyobịle abāndu, himma, lolị unsyobịle Kyala. Umwene Ananịja bo agapilị̄ke amasyu gagaga, alinkugwa pāsi, alinkufwa. Po papo ulutēnde ulukulūmba lulinkubāga abāndu bōsa aba bāpilikaga.

Po apa lilino nịkubabūla une nịkuti: Amụbēpukilege abāndu bababa, mụbalekege; namanga apa linga sịsịsị bị̄nogwịne bābo pamo linga isị bịkubōmba sịfụmịle mbāndu, po sịsakufụbaga. Lolị linga sịfụmịle kwa Kyala, po mụtịsakusịtolaga, ukuti mụngịsakwagịgwa ukuja balwa na Kyala. Po papo abēne balinkummwịtika.