Popular Bible Verses from KAJADIAN 26

Share

Saheulaanan di dieu bae, ku Kami dibarengan jeung bakal diberkahan. Sabab ieu tanah ku Kami bakal dibikeun ka maneh jeung turunan maneh. Kami tetep mageuhan jangji ka bapa maneh.

Maneh rek dibere turunan anu lobana lir bentang di langit, sarta maranehanana ku Kami bakal diserenan tanah sawewengkon ieu. Bangsa-bangsa kabeh bakal marenta diberkahan ku Kami cara ngaberkahan ka turunan maneh. Kami bakal ngaberkahan ka maneh, lantaran Ibrahim geus nurut jeung ngestokeun parentah-parentah Kami.”

Ishak ngalih deui jauh ti dinya, jeung ngali deui hiji sumur. Ieu mah berekah henteu jadi pacekcokan. Seug ku anjeunna dingaranan Rehobot, hartina ”Kaluginaan”. Saurna, ”Nya di dieu urang ku PANGERAN dipaparin kaluginaan. Di dieu urang baris jadi makmur.”

PANGERAN nembongan ka Ishak sarta ngandika, ”Maneh ulah ka Mesir. Cicing bae di tanah anu geus dituduhkeun ku Kami.

Ishak ngadegkeun altar, seug ngabakti ka PANGERAN. Geus kitu masang kemah, badega-badegana ngarali sumur.