Popular Bible Verses from KAJADIAN 27

Share

Mugia Allah ka hidep nurunkeun ibun ti langit, tanah teh mangka subur mangka makmur, sing dipaparin ceuyah ku gandum ceuyah ku anggur. Bangsa-bangsa ka hidep mangka taraluk, sararujud tararunduk. Baraya-baraya, ka hidep mangka ngawula, anak-anak indung hidep, ku hidep mangka kapurba. Mangka kasapa sakur nu ka hidep nyapa, mangka jamuga, nu ka hidep ngadudunga.”

Wangsul Esau, ”Parantos dua kali sareng ieu manehna nipu ka abdi. Surup ka ngaranna Yakub. Hak cikal ku manehna dirampas ti abdi, ayeuna berkah anu abdi oge dirampas. Na teu aya deui berkah ti Ama pikeun abdi?”

Geus kitu saur Ishak, ”Tanah hidep hamo subur hamo makmur, ti langit mo ngambeu ibun. Hirup hidep ngan ku pedang, ka adi baris ngawula. Tapi upama hidep usaha bebeakan, engke bisa bebas tina kakawasaanana.”

Esau ngeukeuhan ka ramana, ”Naha Ama kagungan berkah teh mung hiji-hijina? Berkahan abdi oge, Ama!” saurna, bari segruk bae nangis.