Popular Bible Verses from Juaa̱ 15

Share

Án boá xi ńꞌniuú tostsi̱je̱è, kó jún boá xi tjiaa̱, xi kꞌuijñájo̱na, ja̱ ti̱ kotíjña̱jìi̱n, kó achichí to ko̱a̱ja̱a̱, ngatꞌa̱ tsi kjin ku̱i̱ndyionjnúꞌun jmí ni ka̱májínjnú si̱ꞌan.

si̱ꞌanngora yojojnú jún ko̱jo an, kó ki̱a̱ kotíjña̱jinjnúꞌun. Xikó tsꞌén nga nde ngojín tjiaa̱ yaá xi tsjá soboá to, tsi ki̱a̱jín ko̱a̱ꞌa̱jo ńꞌniuú tostsi̱je̱è, ti̱ bo̱a̱ ti̱ ka̱majnú tsi kꞌi̱e̱jín ku̱i̱ndyionjo̱jnúꞌun.

Tsi si̱ꞌanngora yojoná jún ko̱jo an, kó tsi énna kꞌuijñájinjnú, ngayeje ni xi chji̱a̱ꞌajnú, ko̱e̱ꞌéjnú.

Júnjín xi kachjeꞌéjinjnúꞌun, án boá xi jaꞌajinjnúꞌun jún, kó jè katsangiyajnúꞌun tsi̱ꞌe̱ nga kongínjnú, kó kꞌuiéjnú to, ngo to xi kꞌo̱ndíyaá ngatsjéni̱xtjin, tsi̱ꞌe̱ nga ngayeje ni xi chji̱e̱ꞌèe̱ Na̱ꞌmina ngajona, tsja̱á.

Nde ngojín xi tjín ngasee̱ ngo kjo̱a̱tjó xi ꞌniú je, xikoó ngo xi tsjá kjo̱a̱mindyioo̱n ta̱ngatꞌanii̱ amingoo̱.

Ngayeje tjia xi tjiín yojona xi jmí to tsjájín, na̱ꞌmina kjo̱a̱ꞌáxín, kó ngayeje tjia xi tsjá to, sa̱ꞌíntsjie tsi̱ꞌe̱ nga kjín ngase to tsja.

Kuí xi̱ꞌbi̱ xi kjo̱a̱botíxomana: Nga tjó si̱ꞌánjnú ja̱kꞌi̱e̱ ja̱ngaján xingi̱jnú, xikótsꞌèn tjó tjítsꞌenjnúꞌun.

Kuí nii̱ xi ka̱mayani kjo̱a̱jee̱ Na̱ꞌmina nga achichí kjín to kꞌuiéjnú jún, kó bo̱a̱ tsꞌén nga xota̱na ka̱majnú jún.

Án boá xi ńꞌniuú tostsi̱jè xí ja̱koxi̱i̱, kó Na̱ꞌmina, kuí boá nda̱ xi tsꞌénxaá.

Xi kꞌuijñájinjínna, bo̱a̱ ka̱maa̱ xikó maá ngo tjia xi jmí to tsjájín: Bichá, xí, chjaꞌáꞌyá, kó ngi̱jin ndiꞌií bichijmijin tsi̱ꞌe̱ nga tí.

Kuí nii̱ xi kixiyajnúꞌun, tsi̱ꞌe̱ nga kꞌuiéjnú kjo̱a̱tsjana, kó kjo̱tjosón kjo̱a̱tsjajnú.

Tsi si̱ꞌankjatjosónjnú kjo̱a̱botíxomana, kjo̱a̱tjóna ku̱i̱ndyionjinjnú, xikótsꞌèn tjítsꞌenkjatjosóo̱n kjo̱a̱botíxomaa̱ Na̱ꞌmina, kó kjo̱a̱tjó tsi̱ꞌe̱ tikónjìi̱n.

Kuí xi̱ꞌbi̱ xi kjo̱a̱botíxomana: Ti̱ꞌantjójnú ja̱kꞌi̱e̱ ja̱ngaján xingi̱jnú.

Tsi kui nga̱sondiee̱ ndokjo̱a̱nijnú, sa̱ꞌíntjójnú xotaa̱ kui nga̱sondiee̱, xikótsꞌèn tsꞌéntjó xota̱ tsi̱ꞌe̱, ta̱nga kuijín nga̱sondiee̱ ndokjo̱a̱nijnú, ngatꞌa̱ án xí jaꞌajinjnúꞌun ngi̱jii̱n xotaa̱ kui nga̱sondiee̱, kuíni nga xotaa̱ kui nga̱sondiee̱ tsꞌenchꞌójnú.