Popular Bible Verses from San Mateo 21

Share

Tá kándixa ndinoꞌo ini ndó Ndios, ta nakiꞌin ndó ndiꞌi ña ndukú ndó no̱o̱ ra.

Ta nda̱kuii̱n ta̱Jesús: ―Ndixa káꞌa̱n i̱ xíꞌin ndó, tá kándixa ndinoꞌo ini ndó Ndios, ta o̱n vása xíka o̱vi̱ ini ndó, ta saá kuchiño kasa ndivi ndó nda̱tán yóo ña ke̱ꞌé i̱ xíꞌin tón higo yóꞌo. Tá ka̱ꞌa̱n ndó, kachí ndó saá xíꞌin ñii xi̱ki̱ káꞌno: “Kutaꞌa ún ta ko̱ꞌo̱n ún sakana xíꞌin mi̱i ún no̱o̱ mi̱ni”, ta saá koo ña.

Ta ni̱vi kua̱ꞌa̱n siꞌna no̱o̱ ra xíꞌin na ndíko̱n kua̱ꞌa̱n sa̱ta̱ ra, ndeé ní kúsii̱ ini na, ta káꞌa̱n na, káchí na saá: ―¡Kasa káꞌno yó Ndios xa̱ꞌa̱ sa̱ꞌya ta̱David yóꞌo! ¡Ná keꞌé Ndios ñava̱ꞌa xíꞌin ta̱yóꞌo, ta̱a ta̱ ki̱xaa̱ xíꞌin nda̱yí Ndios! ¡Ná kanóo síkón ñato̱ꞌó Ndios! ―káchí ni̱vi na kua̱ꞌa̱n xíꞌin ta̱Jesús.

Ta ni̱ka̱ꞌa̱n ra xíꞌin ndiꞌi na: ―Saá káchí to̱ꞌon Ndios ña ni̱taa na xi̱na̱ꞌá: “Veꞌe i̱ kunaní ña veꞌe no̱o̱ ko̱ꞌo̱n ni̱vi ña ka̱ꞌa̱n na xíꞌin i̱”, káchí to̱ꞌon Ndios. Ta ndóꞌó, o̱n vása va̱ꞌa kéꞌé ndó, chi sa̱nduu ndó veꞌe yóꞌo ñii kavua̱ nakuíꞌná ―káchí ta̱Jesús xíꞌin na.

Ka̱ꞌa̱n ún xíꞌin nañoo Jerusalén: “Koto ndó, ta̱Rey ñoo ndó va̱xi ra no̱o̱ ndó, ta̱ ndáꞌví ini kúu ra, yóso ra ñii burro, yóso ra ñii burro loꞌo, sa̱ꞌya tí ndíso ñaveé”, káchí to̱ꞌon Ndios.

Ta ni̱ka̱ꞌa̱n ta̱Jesús xíꞌin na: ―¿Án o̱n vása ní‑kaꞌvi ndó to̱ꞌon Ndios, ña káchí saá?: Yóo yu̱u̱ ña ni̱‑xiin ni̱vi na kísa va̱ꞌa veꞌe koni̱ ñóꞌó na, ta mi̱i yu̱u̱ yóꞌo ndu̱u ña yu̱u̱ ñano̱ó nákaa̱ xa̱ꞌa̱ veꞌe. Ndios kúu ta̱ ki̱sa ndivi saá, ña̱ꞌa livi ní kúu ña ke̱ꞌé Ndios, ta mi̱i yó nákaꞌnda ini yó xíni yó ñayóꞌo, káchí ni̱vi, káchí to̱ꞌon Ndios.

Ta saá káꞌa̱n i̱ xíꞌin ndó, Ndios tava ra ndóꞌó no̱o̱ xáꞌnda chiño ra, ta taxi ra kundo̱o inka̱ ni̱vi no̱o̱ xáꞌnda chiño ra, ta ni̱vi yóꞌo kúu na kasa ndivi ña kóni Ndios.