Popular Bible Verses from KENESE 39

Share

Ne fakatasi atu te Aliki ki a Iosefa, kae fai ne ia a Iosefa ke manuia i ana mea katoa e fai. Ne nofo Iosefa i te fale o tena pule ko Potifala

Ne tuku ne Potifala a mea katoa ki te pulega a Iosefa, tela la, ko seai eiloa se mea e fakamafa ei ona mafaufauga, na ko meakai fua e kai ei a ia. A Iosefa se tagata foitino lei, kae tino gali.

Ne fai ne ia a Iosefa ke pule i pagota katoa, kae ke fakapogai foki ki a ia a mea katoa e fai i loto i te falepuipui.

tela ne 'pei ei ne ia a Iosefa ki te falepuipui tela e tausi ei a pagota a te tupu. Ka ko te Aliki ne fakatasi eiloa ki a Iosefa, kae fakamanuia atu foki ki a ia. Tela la, a te tino tausi pagota ne fiafia eiloa ki a Iosefa.

Tela, ne fiafai ei a te avaga a Potifala ki a Iosefa, kae ne fai ki a Iosefa ke moe laua. Ne seki talia ne Iosefa kae fai atu penei, “Kiloke, e seai eiloa se mea e mafa ei mafaufauga o toku pule i loto i te fale nei, me e talitonu i a au e nofo i konei. Ko oti ne fakasopo ne ia a au ke pule i ana mea katoa. A te malosi o taku pulega e seai eiloa se kese mo te malosi o tena pulega. E seai eiloa se mea i ana mea e seki talia mai ne ia ke pule au i ei, na ko koe fua eiloa. Tela la, e mafai pefea ne au o fai se vaega mea masei pena, e agasala ei au i mua o te Atua?”

Kae i te aso e tasi, ne fano a Iosefa ki loto i te fale o fai ana galuega, kae e seai eiloa se tavini i kona. Ne puke atu a te avaga a Potifala ki te gatu loa o Iosefa, futi mai ne ia ki a ia kae fai atu penei, “vau ke moe taua.” Ne fiti aka Iosefa, tele eiloa ki tua, ka ko tena gatu loa ko i lima o te avaga a Potifala.