Popular Bible Verses from Yohane 15

Share

“Nine mpesha, mwebo muli misambo. Uyo uukoyikala muli nebo, nandibo muli ye, eukotwala ifitwalo ifinji pakuti mwebo tamungachitapo akantu nangu kamo ukwambula ine.

Ikalilileni muli nebo, nandibo muli mwebo. Ukubati nimfilya umusambo tekuti utwalepo ifitwalo apawenka nga taulipo kuchiti ichikulu, namwebo tekuti mutwalepo ifitwalo nga tamukoyikalapo muli ne.

Nga mukoyikalilila muli nebo, namashiwi anji ayikala muli mwebo, fumbeni chonse incho mukofwaya, elo chikoyisa kupelwa kuli mwe.

Mwebo tamwansalilepo iyowo, kuntu ninebo uwamusalile. Nalimusalile ukuti mutwale ifitwalo, ifitwalo ifikalilila. Elo chonse icho mwakulomba kuli Bata mwishina lyanji mwakupelwa.

Takupo muntu uukwete ukutemwa ukukulu ukuchila nku ukwakuti umuntu engafwila ifibusa fyakwe.

Umusambo onse uutakotwalapo ifitwalo bakoutema nokuufumyako, nangulya uukotwala bakouwamya ukwebati ukatwale ifitwalo ifinji.

Ifunde lyanji nindi ilyakwebati mutemwane ukubati nimulya namutemwa.

Bata bakochinshikwa muli nchi ichakuti mutwale ifitwalo ifinji, elo mukoyisa kuba abakusambila banji.

“Nebo ndi mpesha ine-ine. Bata ebalimi.

Kati umuntu takoyikalililapo muli nebo, akoposwa kunse kubati musambo uwaputulwa, elo akuuma. Imisambo iili mfilya abantu balayilonganya pamo nokuyiposa mumulilo elo ilapya.

“Mfi fintu nasosa namwe ukuti ukusekelela kwanji kube muli mwebo, nokuti ukusekelela kwenu kupitilile.

Nga mukolama amafunde anji, mwakwikala mukutemwa kwanji, kubati nimulya nalamine amafunde aku Bata nokwikala mukutemwa kwabo.

Ifunde lyanji lyakuti, mutemwane.

Nga mwali abamuchalo, ichalo nga chalimutemenwe ukubati abene. Nomba nebo nalimusalile ukufuma muchalo, tamuli nomba abamuli nchino chalo. Echo ichalo nomba chikomupatila.