Popular Bible Verses from Maliko 10

Share

Pakuti nangu Mwana wa Muntu umwine tayishilepo ukuti bakamupyungile iyowo, kuntu wena ayisa mukupyunga nokupela ubumi bwakwe ukuti abantu abenji bakalubulwe.”

Yesu alibalolekeshe nokubasuka ati, “Nchi chaba ichafishe kubantu, kuntu tekuli Lesa iyowo. Kuli Ye takupo ichafishe.”

Yesu amwebele ati, “Koya, ichichetekelo chobe chakuposha.” Bwangu-bwangu atatikile ukubona, elo akonkele Yesu.

Echo icho Lesa alunda, umuntu elundululapo.”

Yesu alimulolekeshe nokutemwa nokuti, “Ichikofwayikwa chimo. Koya ukashitishe ifintu fyonse ifyo wakwata. Indalama wakusangamo, ushipele kubachula, elo wakwisa kuba nobuboni kumulu, elo wise unkonke.”

Epo Yesu alimufumbile ati, “Findo ukofwaya ukuti nkuchitile?” Impofu yalimwasukile ati, “We musambishi, nkofwaya ukubona.”

Nomba tachili mfyilya kuli mwe. Uyo onse uwakuba umukulu mukati kenu, abe umupyungi wenu. Na uyo onse uwakuba wantanshi mukati kenu, abe umusha wabonse.

Nachine nkomweba ati, uyo onse uutapokelapo Ubufumu bwaku Lesa ukubati akana, tayise kwinjilamo.”

Elo abenji abali pantanshi ebakuba panuma, nabo abapanuma abenji ebakuba pantanshi.”

Nomba pakubala, ulo ichalo chatalilwe, chalisoswa ukuti, ‘Lesa abumbile umwanakashi nomwalalume. Pamulandu ngu, umwalalume akusha bawishi nabanyina nokuyilundanya kumukashi wakwe. Echo mba babili bakuba umubili umo.’ Nomba tabalipo babili iyowo, kuntu bali umo bwaka.