Popular Bible Verses from Maliko 13

Share

Ukuba abantu bonse bakumupata pamulandu wakuti muli bantu banji. Nomba uyo uwakushipikisha ukufikila kumupwilo, ewakupuluka.

Mulokuchenjela, mulokwibukila nokulomba pantu tamwishibilepo apo njilya nshita ulo yakufikila.

Ulo balikumwikata nokumutwala mukumulubulwisha, mwilokusakamanapo ifyakuya mukusosa. Mwakuya mukusosa bwaka ifyo mwalangililwa panshita yenka njilya, pantu te mwebopo mwalikusosa iyowo, kuntu Mupashi Wabuta ewalikusosa.

Umulu nechalo fyakupita, kuntu amashiwi anji akubelelela umuyayaya.

“Ulo nkalya kasuba kakufika, tapapo umuntu uwayishiba, nangu bangelo bakumulu nangu Mwana iyowo, sembi Bawishi benka.

Elo ulo mwalikumfwa inkondo nomukunkunto wankondo, mwilokusakamikwapo iyowo. Mfi fintu fili nokwisa kuchitika, kuntu ukushila kwachalo takulayisa.

Kanshi, mulokulindila pantu tamwishibilepo ulo umwine wananda akubwela. Nalimo kuti abwela kuchungulo, nalimo pakati kabushiku, nalimo nipali tambala mutanshi, nalimo kumacha. Kamulindila ukwebati kati akwisa ichakumupuminkisha, ekamusanga muli mutulo. Icho nkososa kuli mwebo, nkoeba onse umuntu nati, lindilileni!”

Pantu umutundu umo wakwimina umutundu unakwe, kabili nobumfumu bwakulwisha ubumfumu bunakwe. Kwakwisa kuba finkukuma konse-konse, kabili kwalikuba nensala. Mfi fyonse fyakuba ekutatika kwamachushi.

Ulo umupwilo taulayisa, Ubutumi Bwawama bwakubala bushimikilwe kumitundu yonse.

Pakuba abenji bakwisa nokuyishimbula ati, ‘Nine Klistu,’ elo bakubepa balikubepa abantu abenji.

“Echo mwebo muchenjele. Pakuba balikumutwala mufilye, nakambi balikumupamina ifikoti mukati kamananda akulombelamo Lesa. Balikumulubulwisha kuli bakateka nakuli bashamfumu pamulandu wanji, pakuti mwakuba bakamboni banji kuli bo.

Pantu ba Klistu nabasoseshi ababufi bakwima, balikuchita ifyafiso ifikulu nefyakushimbwisha, ichakweba ati babepayike nabasalwa kumo nga chingachitika.

“Nomba muli nshilya nshiku ulo mbulya buchushi bwakupita, akasuba kakufita fititi, umwenshi nawo wakuleka ukusanika, nakambi intandala shakupona kumulu, nefiso fyamumulu fyakutenkana.