Popular Bible Verses from လံာ်မၢ်ကူး 14

Share

ဒီးအဝဲဒၣ်စံးဝဲ, “အးဘၤ, ပၢ်ဧၢ, နမၤတၢ်သ့ခဲလၢာ်လီၤ. တၢ်နးတၢ်ဖှီၣ်အလီခီအံၤဒုးလဲၤပူၤကွံာ်လၢယၤတက့ၢ်. သနာ်က့ဒီး, အသုတမ့ၢ်ဒ်တၢ်ဘၣ်ယသးအသိးတဂ့ၤ. မ်အမ့ၢ်ဒ်တၢ်ဘၣ်နသးအသိးတက့ၢ်.”

ဒီးအဝဲဒၣ်စံးဘၣ်အဝဲသ့ၣ်တဖၣ်န့ၣ်, “ဆိးသီဒီးဃ့ထုကဖၣ်ယွၤဒ်သိးသုဝဲသ့ၣ်အံၤ သုတလီၤနုာ်ဘၣ်ဆူတၢ်လ့ပစီပူၤတဂ့ၤန့ၣ်တက့ၢ်. သုသးအဂံၢ်အဘါဆူၣ်ကစီဒီ, မ့မ့ၢ်သုနီၢ်ခိတခီအဂံၢ်အဘါစၢ်ဝဲလီၤ.”

ယစံးဘၣ်သုသပှၢ်ကတၢၢ်လီၤ. လၢဟီၣ်ခိၣ်ဒီဘ့ၣ်တၢ်လီၢ်တပူၤ လၢ်လၢ်ဖဲပှၤစံၣ်တဲၤတဲလီၤတၢ်သးခုအကစီၣ်န့ၣ်, ပှၤကစံးကတိၤစ့ၢ်ကီးတၢ်လၢပိာ်မုၣ်တဂၤအံၤမၤတ့ၢ်ဝဲအဂ့ၢ်, လၢတၢ်ကသ့ၣ်နီၣ်ထီၣ်က့ၤအီၤအဂီၢ်န့ၣ်လီၤ.”

ဒီးစံးဘၣ်အဝဲသ့ၣ်, “တၢ်သူၣ်အုးသးအုးအဒိၣ်အမုၢ်အိၣ်ပှဲၤ ယသးပူၤ, တုၤဒၣ်လဲာ်ယကသံဘၣ်ယသးလီၤ. အိၣ်သုဝဲဖဲအံၤ, ဒီးဆိးသီတက့ၢ်.”

ဖဲအဝဲသ့ၣ်အီၣ်တၢ်အကတီၢ်န့ၣ်, ယ့ၣ်ၡူးဟံးန့ၢ်ကိၣ်, ဃ့ထုကဖၣ်ယွၤအိၣ်ဒီးတၢ်စံးထီၣ်ပတြၢၤယွၤ အဘျုးအဖှိၣ်, စိၢ်ဘျဲးကိၣ်န့ၣ်, ဒီးဟ့ၣ်လီၤဝဲအပျဲၢ်အဘီၣ်တဖၣ် ဒီးစံးဝဲဒၣ်, “ဟံးန့ၢ်ဒီးအီၣ်တက့ၢ်. အအံၤမ့ၢ်ယနီၢ်ခိလီၤ.”

အန့ၣ်ဝံၤအဝဲဒၣ်ဟံးန့ၢ်စပံးထံလီခီ, စံးထီၣ်ပတြၢၤကစၢ်ယွၤအဘျုး အဖှိၣ်ဝံၤဟ့ၣ်လီၤအဝဲသ့ၣ်, ဒီးအဝဲသ့ၣ်ကိးဂၤဒဲးအီဝဲစပံးထံလၢလီခီန့ၣ်အပူၤလီၤ. ယ့ၣ်ၡူးစံးဘၣ်အဝဲသ့ၣ်, “အအံၤမ့ၢ်ယသွံၣ်လၢအဘၣ်တၢ်ဂၢ်လီၤ အီၤလၢပှၤအါဂၤအဂီၢ်, သွံၣ်လၢအမၤဂၢၢ်မၤကျၢၤကစၢ်ယွၤအတၢ်အၢၣ်လီၤအီလီၤန့ၣ်လီၤ.

ယ့ၣ်ၡူးစံးဘၣ်အဝဲသ့ၣ်, “သုဝဲသ့ၣ်ကိးဂၤဒဲးသုသးကဟး ဂီၤကွံာ်လၢယပူၤ, အဂ့ၢ်ဒ်အံၤတၢ်ကွဲးအသးစံးဝဲ, ‘ယကမၤသံကွံာ်ပှၤကွၢ်သိ, ဒီးသိတဖၣ်ကလီၤပြံလီၤပြါကွံာ်ဝဲလီၤ.’

ဂဲၤဆၢထၢၣ်, ဒီးမ်ပလဲၤသကိးတက့ၢ်. ကွၢ်တက့ၢ်. ပှၤလၢအဟ့ၣ်လီၤကွံာ်ယၤန့ၣ်ဟဲတုၤဝဲလံ.”

ယ့ၣ်ၡူးစံးဘၣ်စီၤပ့းတရူး, “ယစံးဘၣ်နၤသပှၢ်ကတၢၢ်, တနၤအံၤတချုးဆီဖါကီၢ်အိၣ်အိဒံးဘၣ်ခံဘျီန့ၣ်, နဲဒၣ်နကသမၢယၤသၢဘျီလၢနတသ့ၣ်ညါယၤဘၣ်န့ၣ်လီၤ.”