Popular Bible Verses from लूका 10

Share

ङ‍ए ताँ थेद्! ङइ क्‍हेमैंलाइ प्‍हुरिमैं, बिच्‍छिमैं प्लेल् खाँब नेरो शत्तुरमैंए ताँन् शक्‍तिए फिर ट्होल् खाँबै हग पिंइमुँ। छतसि तोइ सैज्यै या क्‍हेमैंलाइ न्होह्रों लल् खाँरिब् आरे।

दिलेया प्रभु येशूजी चने बिइ, “ओ, मार्था क्‍हिइ ल्‍हें ताँर न्हुँ लम्। दिलेया ताँ घ्रि मत्‍त्रे चैदिम्। काजी मरियमइ च छ्याँबै ताँ त्‍हाँइ। छतसि च ताँ चउँइँले ङइ प्हेंरिब् आरे।”

चइ बिइ, “‘क्‍हिइ ह्रोंसए प्रभु परमेश्‍वरलाइ ह्रोंसए खों न्होंउँइँले, सैं न्होउँइँले, ह्रोंसइ ह्रब्दे, सेब्दे, खाँब्दे म्‍हाँया लद्, धै ह्रोंसए ङ्‍हेब-ट्हुब्मैं ह्रोंस धोंलेन् म्‍हाँया लद्।’”

येशूजी चमैंने बिइ, “मिंबै रोमैं ल्हें मुँ, दिलेया रोमैं खुबै म्रोंमैं बिस्याँ च्युगुदे मुँ। छतसि ‘रा-रोमैं खुबर म्रोंमैं कुल्मिंन्,’ बिसि रोमैंए क्‍ल्‍हेने प्राथना लद्।

चु अहान् बिल् खाँसि येशूजी च ठिम लोमिंबै गुरुने “चु सौंलो म्हिमैं न्‍होंरि खाबइ च ह्‍योइ धोंवाबै म्‍हिलाइ ङ्‍हेब्-ट्हुब्मैं धोंले म्‍हाँया लइ?” बिसि ङ्योएमा च ठिम लोमिंबै गुरुइ बिइ, “चए फिर ल्हयो खबै सामरियाथेंइ।” येशूजी चने बिइ, “छ बिस्याँ ह्‍याद् क्‍हिज्‍यै या छाबै केन् लद्।”

ह्‍याद्! ङइ क्‍हेमैं प्याँगुमैंए हुलर क्‍युमैं धोंले कुलम्।